الماتىدا ءجاسوسپىرىمنىڭ ۆەلوسيپەدى ۇرلاندى

بىرنەشە ساعاتتىڭ ىشىندە ۆەلوسيپەد ۇرلىعىنىڭ بەتى اشىلدى.

قىلمىستىق ارەكەت سامال-1 شاعىن اۋدانىندا بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ءبىز دۇكەنگە كىرىپ شىعايىق دەدىك. 3 ۆەلوسيپەدتى قاراۋسىز قالدىردىق. ادامدار كوپ بولعاندىقتان، ەشتەڭە بولمايدى دەپ ويلادىق»، – دەيدى قوس دوڭعالاقتى كولىكتىڭ يەسى.

ءبىراق قاسىنان ءوتىپ بارا جاتقان 42 جاستاعى ەر ادامنىڭ باسقا بىرەۋدىڭ ۆەلوسيپەدىنە قاتىستى جوسپارى بولعان. ول قولايلى ءساتتى كۇتىپ، كولىكتى ۇرلاپ كەتتى. ءوتىپ بارا جاتقان تۇرعىندار جىگىتتەرگە باعىت-باعدار بەرگەن. سولار جاسوسپىرىمدەر پوليسياعا قوڭىراۋ سوققان.

«ماقاتايەۆ پەن پۋشكين كوشەلەرىنىڭ قيىلىسىنا ىرگەلەس اۋماقتى تەكسەرۋ كەزىندە كۇدىكتى ەر ادام بايقالدى. تەكسەرۋ بارىسىندا ونىڭ ۆەلوسيپەدتى ۇرلاعانى بەلگىلى بولدى. ۇستالعان ازامات ۇرلىق جاساعانىن بىردەن مويىندادى. ءمان-جايدى انىقتاۋ ءۇشىن ول مەدەۋ اۋداندىق پوليسيا باسقارماسىنا جەتكىزىلدى، وسى دەرەك بويىنشا سوتقا دەيىنگى تەرگەۋ امالدارى باستالدى»، – دەدى الماتى قالاسى پد جپقب پاترۋلدىك پوليسيا پولكىنىڭ ينسپەكتورى تۇرسىن المازبەك.