الماتىدا جاس تەننيسشىلەردىڭ حالىقارالىق ءتۋرنيرى ءوتتى

قازاقستاندىق جاس تەننيسشىلەر چەمپيون اتاندى.

الماتىداعى سسكا تەننيس ورتالىعىندا 18 جاسقا دەيىنگىلەر اراسىندا ءۇشىنشى ساناتتاعى ITF ءتۋرنيرى مارەگە جەتتى، دەپ حابارلايدى Almaty-akshamy.kz قتف باسپا ءسوز قىزمەتىنە سىلتەمە جاساپ. 

قازاقستان تەننيس فەدەراسياسىنان ءمالىم ەتكەنىندەي، كۇن جاڭبىرلى بولعاندىقتان، قازاقستاندىق تەننيسشىلەر اراسىندا وتكەن جۇپتىق سىنداعى فينال حارد توسەلگەن جابىق زالعا اۋىستىرىلدى. 

وندا اسىلجان ارىستانبەكوۆا مەن اييا نۇپباي وتانداستارى ەركەجان ارىستانبەكوۆا - دانا بايداۋلەتتى 6:3، 6:2 ەسەبىمەن ۇتتى. 

وسىلايشا، ا.ارىستانبەكوۆا ا.نۇپبايمەن بىرگە ITF Juniors جارىستارىنداعى بەسىنشى تيتۋلىنا قول جەتكىزدى. 

جەكەلەي سىندا دانا بايداۋلەت سوڭعى باسەكەدە رەسەيلىك ۆالەريا گىنيناعا ەسە جىبەردى - 4:6، 1:6. 

بوزبالالار اراسىندا اۋستريالىق پول ۋوررەن تارتىستى فينالدا رەسەيلىك گريگوريي ششەبەكيندى تىزە بۇكتىردى - 7:6 (7:2)، 3:6، 6:3. 

ەسكە سالا كەتەيىك، بۇدان بۇرىن قازاقستاندىق تەننيسشىنىڭ سەربياداعى جارىستىڭ جەڭىمپازى اتانعانىن جازعان بولاتىنبىز. 

سونداي-اق قازاقستاندىق تەننيسشىلەردىڭ ۋيمبلدون تۋرنيرىندەگى قارسىلاستارى بەلگىلى بولدى.