ساياسي جانە ەكونوميكالىق باعدارلامالارعا شولۋ جاسالدى.
قاسىم-جومارت توقايەۆتىڭ ءبىرىنشى مەرزىمىنىڭ قورىتىندىلارى جانە پرەزيدەنتتىك سايلاۋ قورىتىندىلارى تۋرالى باياندامالاردىڭ تانىستىرىلىمى ءوتتى، دەپ حابارلايدى Almaty-akshamy.kz.
«حالىقارالىق الەۋمەتتانۋ جانە ساياسات ينستيتۋتى» قوعامدىق قورى جانىنداعى جاس ساراپشىلار مەكتەبى ۇيىمداستىرعان ءىس-شارادا پرەزيدەنت قاسىم-جومارت توقايەۆتىڭ 2019-2022 جىلدار ارالىعىنداعى پرەزيدەنت رەتىندەگى اتقارعان جۇمىستارىنا ساراپتاما جاسادى.
باياندامالاردى جاس ساراپشىلار مەكتەبىنىڭ تىڭداۋشىلارى مارات شيبۋتوۆتىڭ باسشىلىعىمەن دايىندادى.
«ءبىز ەكى ساراپتامالىق شولۋ جاساپ، پرەزيدەنتتىڭ اتقارعان جۇمىستارى تۋرالى ايتقىمىز كەلدى. ءبىرىنشى ەسەپتە ق ر پرەزيدەنتى ق.توقايەۆتىڭ 3 جىلدىق پرەزيدەنت بولعان كەزدەگى اتقارعان الەۋمەتتىك، ساياسي جانە ەكونوميكالىق باعدارلامالارىنا شولۋ جاسادىق. سونىمەن قاتار ەسەپ بارىسىندا 3 جىلدىڭ ىشىندە ەلىمىزدە بولعان توتەنشە جاعدايلارعا شولۋ جاساپ، پرەزيدەنتتىڭ الداعى ۋاقىتتا وسىنداي جاعدايلاردىڭ الدىن الۋ بويىنشا قابىلداعان شەشىمدەرى مەن حالىققا كومەك كورسەتۋ شەشىمدەرىنە وي جۇگىرتتىك. ال ەكىنشى ەسەپتە جالپى پرەزيدەنتتىك سايلاۋدىڭ تاريحىن، ق.توقايەۆتىڭ جانە باسقا پرەزيدەنتتىككە ۇمىتكەرلەردىڭ سايلاۋالدى باعدارلامالارىنىڭ الەۋمەتتىك ماڭىزىن كورسەتىپ كەتتىك»،- دەدى قوعامدىق پىكىر ورتالىعىنىڭ ساراپشىسى اينۇر باقىتجان قىزى.