الماتىدا پوليسيا قىزدىڭ بەتىنەن ۇردى دەگەن كۇدىككە ىلىنگەن ەر ادامدى ۇستادى.
الەۋمەتتىك جەلىدە ەر ادام قىزدى ۇردى دەپ ايىپتالعان ۆيدەو تاراپ جاتىر، دەپ حابارلايدى Almaty-akshamy.kz.
«بۇگىن تولە بي كوشەسى №160 مەكەنجايىندا مىنا جىگىت 25 جاستاعى ءبىر قىزدى ۇردى، قىز قوزعالا الماي قالدى»، - دەلىنگەن حابارلامادا.
الماتى قالالىق پوليسيا دەپارتامەنتى 1985 جىلى تۋعان كۇدىكتى ۇستالىپ، ودان ءارى تەرگەۋ ءۇشىن المالى اۋداندىق پوليسيا باسقارماسىنا جەتكىزىلگەنىن مالىمدەدى.
«ونىڭ ارەكەتىنە قازاقستان رەسپۋبليكاسىنىڭ زاڭناماسىنا سايكەس قۇقىقتىق باعا بەرىلەدى. بۇل رەتتە قىزدىڭ العان جاراقاتىنىڭ اۋىر-جەڭىلدىگىن انىقتاۋ ءۇشىن سوت-مەديسينالىق ساراپتاما تاعايىندالادى»، - دەپ حابارلادى ۆەدومستۆودان.