الماتى قالاسىندا قوعامدىق ءتارتىپتى قامتاماسىز ەتۋ جولىندا جاس پوليسەيلەردىڭ قاتارى تولىقتى.
ۆەدومستۆو باسشىسى ارىستانعاني زاپپاروۆتىڭ جەتەكشىلىگىمەن وتكەن سالتاناتتى راسىمدە 90 پوليسيا قىزمەتكەرىنە العاشقى وفيسەرلىك شەن تابىس ەتىلدى، دەپ حابارلايدى aqshamnews.kz.
- قۇرمەتتى ارىپتەستەر! سىزدەردى ومىرلەرىڭىزدەگى ماڭىزدى ساتپەن قۇتتىقتايمىن. مەملەكەت باسشىسى ەلىمىزدە ءتارتىپ پەن زاڭدىلىقتىڭ قاتاڭ ساقتالۋى ءتيىس ەكەنىن ەرەكشە اتاپ ءوتتى. ازاماتتاردىڭ قاۋىپسىزدىگىن قامتاماسىز ەتۋ، قىلمىسقا قارسى كۇرەستە الدىڭعى شەپتە بولۋ – سىزدەردىڭ ابىرويلى مىندەتتەرىڭىز. قازاقستان پوليسياسىنىڭ قاتارىن جۇرەك قالاۋىمەن تولىقتىرعان ءارقايسىڭىز ادالدىق پەن ادىلدىك جولىندا قىزمەت ەتەسىزدەر دەپ سەنەمىن. انتتارىڭىزعا بەرىك بولىپ، حالقىڭىزعا ادال قىزمەت ەتىڭىزدەر، – دەدى ارىستانعاني زاپپاروۆ.
شەن العان جاس ءتارتىپ ساقشىلارىنىڭ قاتارىندا تەرگەۋشىلەر، كريميناليستەر، جەدەل ۋاكىلدەر، ۋچاسكەلىك پوليسيا ينسپەكتورلارى، جقاج جاۋىنگەرلەرى، كينولوگتار جانە وزگە دە قىزمەت وكىلدەرى بار. ولار الداعى ۋاقىتتا قۇقىقتىق ءتارتىپتى نىعايتىپ، ازاماتتاردىڭ تىنىشتىعىن قورعاۋعا ءوز ۇلەستەرىن قوسادى.