قالامىز مادەنيەت سالاسى بويىنشا ورتالىق ازياداعى كوشباسشى اتانۋدى الدىنا ماقسات ەتىپ وتىر.
الماتىدا جاس جازۋشىلار مەن اقىندار مەكتەبى اشىلادى، دەپ حابارلايدى Almaty-akshamy.kz «الماتى قالاسىن دامىتۋدىڭ 2025 جىلعا دەيىنگى جوسپارىنىڭ نەگىزگى باسىمدىقتارى جانە 2030 جىلعا دەيىنگى ورتا مەرزىمدى پەرسپەكتيۆالارى» اتتى جوباسىنا سىلتەمە جاساپ.
بۇدان وزگە 2025 جىلعا دەيىن كەمىندە 20 تۇراقتى حالىقارالىق فەستيۆال، كونسەرت، كورمە وتكىزۋ (Aلماfest، «ۇلى دالا»، Almaty Film Festival، The Spirit of Tengri جانە باسقالارى)
- «بورالداي قورعاندارى» پاركى بازاسىندا ساق مادەنيەتى ورتالىعىنىڭ I فازاسىن، جەكە ينۆەستيسياعا قازىرگى زامانعى ونەر مۋزەيى مەن 11 مىڭ ورىندىق مۋلتيفۋنكسيونالدى كونسەرت-حولل سالۋ
- ەرەكشە قاجەتتىلىكتەرى بار ادامدارعا بەيىمدەي وتىرىپ، مادەنيەت وبەكتىلەرىن جاڭعىرتۋ (ق ر ورتالىق مەملەكەتتىك مۋزەيى، ۇلتتىق كىتاپحانا، اۋەزوۆ اتىنداعى تەاتر، ساس اتىنداعى تەاتر)
- كرەاتيۆتى زەرتحانا فورماتىندا 26 قالالىق كىتاپحانا بازاسىندا جاس جازۋشىلار مەن اقىندار مەكتەبىن اشۋ
- «Contemporary art» جانە قازىرگى زامانعى مۋزىكا الاڭدارىن قۇرۋ جانە دامىتۋ (outdoor جانە indoor) قارراستىرىلعان.
2030 جىلعا دەيىن مادەني مۇرانى كرەاتيۆتى يندۋستريا ونىمىنە «تۇرلەندىرۋ»، «بورالداي قورعاندارى» ارحەولوگيالىق پاركى بازاسىندا ساق مادەنيەتى ورتالىعىن اياقتاۋ جانە دامىتۋ، يۋنەسكو، تۇركسوي شەڭبەرىندە حالىقارالىق ىنتىماقتاستىقتى دامىتۋ جانە يۋنەسكو كرەاتيۆتى قالالارى جەلىسىنىڭ كەزدەسۋىندە ۇيىمداستىرۋشى قالا مارتەبەسىنە يە بولۋ جوسپارلانىپ وتىر.
الماتى قالاسى 2025 جىلعا قاراي 40%-كە دەيىن، 2030 جىلعا قاراي 50%-كە دەيىن تۇرعىنداردىڭ مادەني ومىرگە تارتىپ، ءىس-شارالار سانى مەن اۋديتوريانى قامتۋ بويىنشا ورتالىق ازياداعى كوشباسشى اتانۋدى الدىنا ماقسات ەتىپ وتىر.
الماتىنىڭ بولاشاعىنا بەي-جاي قاراماڭىز. مادەنيەتكە قاتىستى ءوز پىكىرىڭىزدى 1 شىلدەگە دەيىن تومەندەگى سىلتەمە ارقىلى «الماتى قالاسىن دامىتۋ ورتالىعى» اق سايتىندا قالدىرىڭىز.