«Jas Camp»: الماتى جاستارىنا ارنالعان لاگەر ءوز مارەسىنە جەتتى
الماتىدا قالا كۇنى قارساڭىندا قالامىزدىڭ 100-گە جۋىق جاستارىنىڭ باسىن قوسقان «Jas Camp 2024» لاگەرى ءوتتى. قاتىسۋشىلاردىڭ قاتارىندا بەلسەندى جاستار، ۆولونتەرلەر جانە NEET ساناتىنداعى جاستار بولدى، دەپ حابارلايدى aqshamnews.kz
بيىل لاگەر «اقبۇلاق» تاۋ-شاڭعى كۋرورتىندا وتكەن. قالا جاستارى ءۇشىن 5 كۇن بويى ءتۇرلى شەبەرلىك ساباقتار، ترەنينگتەر، سپورتتىق جانە مادەني شارالار ۇيىمداستىرىلدى. سپيكەرلەر رەتىندە مەملەكەتتىك ورگان قىزمەتكەرلەرى، بيزنەس، ءبىلىم بەرۋ، جۋرناليستيكا جانە سپورت سالاسىنىڭ ماماندارى شاقىرىلعان.
الماتى قالاسى جاستار ساياساتى باسقارماسىنىڭ مالىمەتىنشە، قالادا جاستاردى الەۋمەتتەندىرۋ باعىتىندا ءتۇرلى جوبالار جۇزەگە اسىرىلۋدا. مىسالى بيىلدىڭ وزىندە قالا دەنگەيىندە 1000-نان اسا ءبىلىم بەرۋ، ەكولوگيالىق، مادەني جانە سپورتتىق شارالار ءوتتى. ونىڭ ىشىندە، «IQ-ALA jastary»، «Jas GALA»، جاس ساراپشىلار مەن پىكىرسايىسشىلار كلۋبى، «تاۋەلسىزدىك ۇرپاقتارى»، «ALMA CUP»، «Youth Nomad» جانە ت.ب بار. بۇل جوبالاردىڭ بارلىعى جاستاردى قالانىڭ مادەني-قوعامدىق ومىرىنە تارتىپ، ولاردىڭ جەكە دامۋىنا ىقپال ەتىپ جانە بوس ۋاقىتىن ءتيىمدى وتكىزۋگە باعىتتالعان.
قاتىسۋشىلار دا لاگەردەگى كۇندەرىنىڭ قالاي وتكەنى مەن اسەرلەرىمەن ءبولىستى.
«لاگەردەن العان اسەرىمدى ايتۋ مۇمكىن ەمەس. العاشقى كۇننەن باستاپ، پايدالى اقپاراتپەن بولىسكەن مىقتى سپيكەرلەر كەلدى. بارلىعى جوعارعى دەنگەيدە ءوتتى. ەڭ باستىسى وسى لاگەر ارقىلى ورتامىزدى كەنەيتىپ، جاڭا دوستار تاپتىم»، - دەدى لاگەرگە قاتىسۋشى الشىن ابدىكامال.
