جاروكوۆ كوشەسى مەن ءال-فارابي داڭعىلىنىڭ قيىلىسىنداعى جولايىرىقتىڭ ۋچاسكەلەرىندە ورتاشا جوندەۋ جۇرگىزىلۋىنە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى.
1-كەزەڭ: 11 تامىز ساعات 22:00-دەن 12 تامىز ساعات 06:00-گە دەيىن يسينالييەۆ كوشەسىنەن جولايىرىقتىڭ وڭتۇستىك-شىعىس شىعىسىنا دەيىنگى ارالىقتا قوزعالىس جابىلادى. سونداي-اق، جولايىرىقتىڭ سولتۇستىك-شىعىس شىعىسى دا جابىق بولادى.
2-كەزەڭ: 12 تامىز ساعات 22:00-دەن 13 تامىز ساعات 06:00-گە دەيىن جولايىرىقتىڭ سولتۇستىك-باتىس جانە وڭتۇستىك-باتىس شىعىستارىندا قوزعالىس توقتاتىلادى.
جوندەۋ جۇرگىزىلەتىن ۋچاسكەلەردە ەسكەرتۋ بەلگىلەرى مەن مەردىگەر ۇيىم باسشىسىنىڭ بايلانىس دەرەكتەرى جازىلعان اقپاراتتىق تاقتالار ورناتىلادى. قالا تۇرعىندارى مەن قوناقتارىنان جول ءجۇرۋ باعىتىن الدىن الا جوسپارلاۋدى سۇرايمىز.
ەسكە سالامىز، قوزعالىسقا شەكتەۋ تۋرالى بارلىق اقپارات Telegram-ارنادا @AlmatyJoly، اۋدان اكىمدىكتەرىنىڭ الەۋمەتتىك جەلىدەگى پاراقشالارىندا، سونداي-اق، 2GIS جانە ياندەكس كارتالار سەرۆيستەرىندە جاريالانادى.