جاندوسوۆ كوشەسىنىڭ ءبىر بولىگىنە ورتاشا جوندەۋ جۇرگىزۋگە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى.
24 تامىز ساعات 23:00-دەن 26 تامىز ساعات 07:00-گە دەيىن ياسساۋي كوشەسىنەن شايمەردەنوۆ كوشەسىنە دەيىنگى اۋماقتا قوزعالىس جابىلادى، دەپ حابارلايدى aqshamnews.kz
بۇل اۋماقتى شىعىس باعىتتا ياسساۋي جانە شالياپين كوشەلەرى ارقىلى، ال باتىس باعىتتا شايمەردەنوۆ، بەكەت اتا مىرزاعۇل ۇلى، 7ء-شى جەلى كوشەلەرى ارقىلى اينالىپ وتۋگە بولادى.
- ال 25 تامىز ساعات 23:00-دەن 27 تامىز ساعات 07:00-گە دەيىن شايمەردەنوۆ كوشەسىنەن ساين كوشەسىنە دەيىنگى اۋماقتا كولىك قوزعالىسى شەكتەلەدى.
- اتالعان اۋماقتى شىعىس باعىتتا شايمەردەنوۆ، بەكەت اتا مىرزاعۇل ۇلى، مۋسين كوشەلەرى، ال باتىس باعىتتا ساين، شالياپين، ياسساۋي كوشەلەرى ارقىلى اينالىپ وتۋگە بولادى.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى. مارشرۋتتى الدىن الا جوسپارلاۋدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.
