ساعات 21:00-دەگى جاعداي بويىنشا الماتىنىڭ تاۋلى جانە تاۋ بوكتەرىندەگى ايماقتارىندا 34 مم جاۋىن-شاشىن ءتۇستى، ال تامىزدا ورتاشا جىلدىق جاۋىن-شاشىن مولشەرى 34 مم بولاتىن.
نوسەر جاڭبىردىڭ سالدارىن جويۋعا 1008 جول جۇمىسشىسى مەن 640 بىرلىك تەحنيكا جۇمىلدىرىلدى. سونىمەن قاتار، مەردىگەرلەر مەن ۆەدومستۆولىق باعىنىستاعى ۇيىمداردىڭ 52 ءموبيلدى بريگاداسى جاڭبىر سۋىن قابىلدايتىن جەرلەرىن قوقىستان تازارتىپ، جانە دە نوسەرلى كارىز جانە درەناجدىق سۋلاردى قابىلدايتىن سورعى ستانسيالارىنىڭ جۇمىسىن قامتاماسىز ەتۋدە. جاڭبىر كەزىندە 8 اعاش قۇلاپ، قۇلاعان جەردى تازالاۋ جۇمىستارى جۇرگىزىلدى. وقىس وقيعادان ەشكىم زارداپ شەككەن جوق.
قازىرگى ۋاقىتتا نەگىزگى سۋ باسۋ ۋچاسكەلەرى جويىلىپ، ارىق جۇيەلەرىنەن قوقىستاردى شىعارۋ جۇمىستارى جۇرگىزىلۋدە. وندا تۇنگى كەزەكشىلىك قويىلدى. «قازگيدرومەت» رمك بولجامىنا سايكەس، الداعى ءۇش كۇندە اراسىندا ءۇزىلىسى بار جاۋىن-شاشىن مول بولادى.
2023-2024 جىلدارى 276 شاقىرىم ارىق جەلىسىن جوندەۋ جۇمىستارى جۇرگىزىلىپ، 100 شاقىرىم جاڭا ارىق جەلىسى سالىناتىنىن ەسكە سالايىق.