الماتىدا 20 ماۋسىم كۇنى بولعان جاڭبىر مەن داۋىل سالدارىنان 8 اعاش كولىكتەر مەن اكىمشىلىك عيماراتتىڭ ۇستىنەن قۇلادى، دەپ حابارلايدى Almaty-akshamy.kz.
الەۋمەتتىك جەلىدە قالا تۇرعىندارى جاڭبىر، داۋىلدان كەيىنگى قۇلاعان اعاش، قيراعان كولىكتەردىڭ فوتو، ۆيدەولارىن سالدى.
«الماتىدا جاڭبىر مەن داۋىل ءوتتى. سول سەبەپتەن قالانىڭ ءار جەرىندە اعاشتار قۇلادى»، «وسىنىڭ بارلىعىنا كىم جاۋاپ بەرەدى»، «الماتىدا ءبىر رەت سوققان جەلدەن ءبىراز ادام زارداپ شەكتى»، دەپ جازدى جەلى قولدانۋشىلار.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، 20 ماۋسىم كۇنى 112 جەلىسىنە اعاشتىڭ قۇلاعانى تۋرالى 8 حابارلاما تۇسكەن (7ء-ى اۆتوكولىككە، 1ء-ى اكىمشىلىك عيماراتقا).
وسىعان وراي الماتى قالالىق تجد قالا تۇرعىندارىنا كولىكتەردى اعاشتاردىڭ استىندا قالدىرماۋعا جانە جەل كۇشەيگەن ساتتە عيماراتتان كوپ شىقپاۋعا (مۇمكىندىك بولسا عيمارات ىشىندە بولعان دۇرىس) كەڭەس بەردى.