اكادەميك قانىش ساتبايەۆتىڭ 125 جىلدىعىنا وراي الماتىداعى «مەتاللۋرگيا جانە كەن بايىتۋ ينستيتۋتىندا» جاڭا زەرتحانا اشىلدى، دەپ حابارلايدى اlmaty-akshamy.kz.
كەن ورىندارىن يگەرۋدە تىڭ تەحنولوگيالاردى دامىتۋعا باعىتتالعان جوبا قىتايدىڭ دامۋ قاۋىمداستىعىمەن بىرلەسىپ جۇزەگە اسىرىلىپ جاتىر. بۇگىن قىتايدىڭ ءىرى عىلىمي-زەرتتەۋ ورتالىعى، «جەتىسۋ ۆولفرامى» كاسىپورنى مەن وتاندىق «مەتاللۋرگيا جانە كەن بايىتۋ ينستيتۋتى» ىنتىماقتاستىق تۋرالى مەموراندۋمعا قول قويدى. كەلىسىم اياسىندا ساتبايەۆ ۋنيۆەرسيتەتىنىڭ ستۋدەنتتەرى جاڭا زەرتحانادا وندىرىستىك تاجىريبەدەن ءوتىپ، كاسىبي بىلىكتىلىكتى مەڭگەرەدى. «ورتاق جوبا - قازاقستان مەن جۇڭگو اراسىنداعى مينەرالدىق رەسۋرستار سالاسىنداعى ىنتىماقتاستىقتى نىعايتىپ، ءبىلىم الماسۋ ءۇشىن جاڭا مۇمكىندىكتەرگە جول اشادى»، - دەيدى ماماندار.
- ۆولفرام كەنى دۇنيەجۇزىندە 4-ورىندا تۇرادى، قورى جونىندە. سول وسى جەتىسۋ وڭىرىندە. جىلىنا بۇلار 4،5 ملن توننا رۋدا وندىرەدى، ەكى كەن ورنى بار. سوعان عىلىمي جۇمىسقا ءبىز قاتىسامىز. سوندىقتان بۇل لابوراتوريانىڭ كەلەشەگى وتە زور دەپ ويلايمىن، -دەيدى «مەتاللۋرگيا جانە كەن بايىتۋ ينستيتۋتىنىڭ» باس ديرەكتورى باقداۋلەت كەنجالييەۆ.