بوستاندىق اۋدانىنىڭ نۇر-الاتاۋ شاعىن اۋدانىندا توتەنشە جاعدايلار ۆيسە-مينيسترى ەرلان نۇرپەيىسوۆتىڭ قاتىسۋىمەن جاڭا ءورت ءسوندىرۋ دەپوسىنىڭ سالتاناتتى اشىلۋ ءراسىمى ءوتتى، دەپ حابارلايدى almaty-akshamy.kz الماتى قالاسىنىڭ تجد-نا سىلتەمە جاساپ.
ءىس-شاراعا تجد الماتى گارنيزونىنىڭ جەكە قۇرامى جانە ارنايى شاقىرىلعان ازاماتتىق قورعاۋ سالاسىنىڭ ارداگەرلەرى قاتىستى.
«الماتى قالاسىنىڭ اكىمى ەربولات اسقاربەكۇلىنا توتەنشە جاعدايلاردىڭ الدىن الۋ جانە جويۋ ماسەلەلەرىنە قوسقان ەلەۋلى ۇلەسى ءۇشىن جەكە العىسىمدى بىلدىرەمىن. ءوز كەزەگىندە قىزمەتكەرلەردەن قويىلعان مىندەتتەردى ۇلگىلى ورىنداۋدى جانە سەنىپ تاپسىرىلعان مۇلىككە ۇقىپتى قاراۋدى سۇرايمىن»، - دەپ اتاپ ءوتتى ۆيسە-مينيستر ەرلان نۇرپەيىسوۆ.
جەرگىلىكتى اتقارۋشى ورگانداردىڭ قولداۋىمەن سالىنعان اۋدانى 2،5 مىڭ شارشى مەتردەن اساتىن جاڭا ءورت دەپوسى 4 شىعۋعا ەسەپتەلگەن-تج-عا دەن قويۋ ۋاقىتىن قىسقارتۋعا مۇمكىندىك بەرەدى، بۇل قالا حالقىنىڭ قورعالۋىن ارتتىرادى.
جالپى حالىق سانى 45 مىڭنان استام ادام جانە 146 شارۋاشىلىق سۋبەكتىسى بار «قازاقفيلم»، «نۇر-الاتاۋ»، «نۇرلىتاۋ»، «باعاناشىل»، «ەرمەنساي»، «ميراس» جانە «اققايىڭ» شاعىن اۋداندارىنىڭ تۇرعىندارى ورتتەن قورعاۋمەن قامتاماسىز ەتىلەدى.
«شتات سانى-شامامەن 70 ادام. جاڭا دەپودا جەكە قۇرامدى ورنالاستىرۋعا جانە كۇندەلىكتى قىزمەتتى قامتاماسىز ەتۋگە ارنالعان ءۇي-جايلار، سونداي-اق ترەناجەر سپورت زالى قاراستىرىلعان. ءورت ءسوندىرۋ ءبولىمىنىڭ قارۋلانۋىندا - اۋداننىڭ تالاپتارىن ەسكەرە وتىرىپ تاڭدالعان 6 بىرلىك ءورت تەحنيكاسى – تاۋ بوكتەرىندەگى جەر جانە تار جولدار. بۇل 5 توننادان تۇراتىن ءتورت ءورت ءسوندىرۋ اۆتوسيستەرناسى جانە «تويوتا حايليۋكس»، «گاز ۆالداي» جەدەل ارەكەت ەتەتىن ەكى اۆتوموبيل»، - دەدى الماتى تجد باستىعى نۇرلان اتىعايەۆ.
كاسىبي دايىندىقتى ۇيىمداستىرۋ ماقساتىندا وقۋ-جاتتىعۋ مۇناراسى، كەدەرگىلەرى بار 100 مەترلىك جولاق بار. سوڭعى قاباتتاردا گارنيزون قىزمەتكەرلەرى ءۇشىن جايلى 3 پاتەر قاراستىرىلعان.
- بۇگىنگى تاڭدا قالانىڭ قاۋىپسىزدىك كۇزەتىندە ورتكە قارسى قىزمەتتىڭ 20 بولىمشەسى بار.
- مەگاپوليستە تاعى ءۇش ءورت سەندىرۋ دەپوسىن سالۋ قاراستىرىلۋدا.
- ولار تۇركسىب اۋدانىنىڭ (شىعىس قاقاپاسى ش/ا)، ناۋرىزباي اۋدانىنىڭ ( شۇعىلا، قاراعايلى ش/ا) سالىنادى.
- اكىمدىكتىڭ قولداۋىمەن الماتى گارنيزونى جىل سايىن ارنايى جانە قوسالقى ماقساتتاعى جاڭا اۆتوموبيلدەرمەن تولىقتىرىلۋدا.