ءوز بالاسىن اتا-اناسى 2 ملن تەڭگەگە وتكىزبەك بولعان.
المالى اۋدانىندا ارنايى ءىس-شارانى ۇققكب جەدەل ۋاكىلدەرى مەن پوليسيانىڭ ارنايى جاساق قىزمەتكەرلەرى بىرلەسىپ جۇرگىزدى. ۇيلەستىرۋدى الماتى قالاسىنىڭ پروكۋراتۋراسى جۇزەگە اسىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«1998 جىلى تۋعان ب. ەسىمدى ايەل مەن ونىڭ كۇيەۋى 1991 جىلى تۋعان ب. ەسىمدى ازامات ۇستالدى. بىرنەشە ساعات بۇرىن ايەل پەرزەنتحانادان شىققان. ولار سول جەردەن بىردەن مامىلە جاساۋعا كەتكەن. ولار ۇلىن 2 ملن تەڭگەگە باعالاعان. ايتا كەتۋ كەرەك، ەرلى-زايىپتىلار تۋىلماعان بالا ءۇشىن “الەۋەتتى اتا-انانى” الدىن الا ىزدەگەن. جاڭا تۋعان نارەستەنى ساتۋدان تۇسكەن اقشا ايىپتالۋشىلاردى ۇستاۋ كەزىندە تاركىلەندى. ءىس سوتقا دەيىنگى تەرگەۋدىڭ ءبىرىڭعاي تىزىلىمىندە ق ر قك-نىڭ 135 بابى 2 بولىگى (كامەلەتكە تولماعاندار ساۋداسى) بويىنشا تىركەلگەن قىلمىستىق ءىس ماتەريالدارىنا قوسىلدى. قىلمىستىق ءىس اياسىندا جەدەل-تەرگەۋ شارالارى جۇرگىزىلىپ جاتىر»، – دەدى الماتى قالالىق پد ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعالييەۆ.
بۇل ەرلى-زايىپتىلاردىڭ ەكى بالاسى بار ەكەندىگى انىقتالدى. ولار اۋىر قىلمىس بويىنشا ءوز كىنالارىن تولىقتاي مويىندادى.