ونىڭ ەرەكشەلىكتەرى، ماقساتتارى مەن مىندەتتەرى تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ ايتىپ بەردى، دەپ حابارلايدى اlmaty-akshamy.kz.
سالالىق ساراپشىلاردىڭ پىكىرىنشە، جاڭا كاسىپتەر مەن قۇزىرەتتەردىڭ اتلاسى - ءقازىردىڭ وزىندە سۇرانىسقا يە جانە جاقىن ارادا پايدا بولاتىن ماماندىقتار جيناعى.
قايرات جۇمانوۆتىڭ ايتۋىنشا، اتلاس الماتى قالاسىنىڭ ەرەكشەلىگىن ەسكەرە وتىرىپ قالىپتاستىرىلاتىن بولادى. ازىرلەۋ ناتيجەلەرى بويىنشا ءوڭىر ءۇشىن، ونىڭ ىشىندە ورتا بىلىمنەن كەيىنگى تەحنيكالىق جانە كاسىپتىك سىنىپتاۋىشقا ەنگىزىلەتىن بولاشاق كاسىپتەرى بويىنشا ناقتى ۇسىنىمدار بەرىلەتىن بولادى.
قازىرگى ۋاقىتتا الماتى اكىمدىگى جانىنداعى مەملەكەتتىك ءبىلىم بەرۋ تاپسىرىسىن ءبولۋ، قالىپتاستىرۋ جانە ورنالاستىرۋ جونىندەگى كوميسسيا قالالىق ەڭبەك نارىعىندا سۇرانىسقا يە ماماندىقتاردىڭ تىزبەسى مەن سانىن قالىپتاستىرۋ بويىنشا جۇمىس جۇرگىزۋدە. 30 ساۋىردەن باستاپ مەملەكەتتىك تاپسىرىس قاراستىرىلعان ماماندىقتار تۋرالى اقپارات ءبىلىم باسقارماسىنىڭ سايتىندا جاريالانادى.
سپيكەر سونداي-اق، 2019 جىلدىڭ قاڭتارىنان باستاپ الماتىنىڭ 20 مەملەكەتتىك كوللەدجىندە جان باسىنا قارجىلاندىرۋ ەنگىزىلگەنىن، ال 2022 جىلدىڭ قاڭتارىنان باستاپ تاعى 29 جەكەمەنشىك كوللەدج مەملەكەتتىك تاپسىرىس اياسىندا جۇمىس ىستەي باستاعانىن ەسكە سالدى. مەملەكەت باسشىسىنىڭ مەملەكەتتىك تاپسىرىستى تەحنيكالىق ماماندىقتارعا قايتا باعدارلاۋ تۋرالى تاپسىرماسى بويىنشا بيىل ستۋدەنتتەردىڭ 60%-ى كوللەدجدەرگە تەگىن نەگىزدە قابىلدانادى.