الماتى كوللەدجدەرىنە وقۋعا تۇسكىسى كەلەتىن تالاپكەرلەر بيىل دا وزگەرىستەردى كۇتۋدە. تەحنيكالىق جانە كاسىپتىك ءبىلىم بەرەتىن وقۋ ورىندارىنا ءتۇسۋ كەزىندە ءبىرقاتار جاڭالىقتار ەنگىزىلدى. ولار تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ ايتىپ بەردى، دەپ حابارلايدى اlmaty-akshamy.kz.
ءبىلىم باسقارماسى وكىلىنىڭ ايتۋىنشا، قۇجاتتاردى قابىلداۋ 20 ماۋسىمدا ەلەكتروندى ۇكىمەت پورتالى ارقىلى جانە تىكەلەي كوللەدجدە باستالادى. ءار تالاپكەردىڭ 4 ماماندىق پەن 4 كوللەدجدى تاڭداۋعا مۇمكىندىگى بار.
«قابىلداۋ ەمتيحاندارى پەداگوگيكالىق، مەديسينالىق جانە شىعارماشىلىق دايىندىقتى قاجەت ەتەتىن ماماندىقتار بويىنشا وتكىزىلەدى. بارلىق باسقا ماماندىقتار بويىنشا ەمتيحاندار توقتاتىلدى»، - دەدى ق. جۇمانوۆ.
جۇمىسشى ماماندىقتارىنا تۇسۋشىلەر اڭگىمەلەسۋدەن وتەدى، ال ورتا بۋىن ماماندىقتارىنا ۇمىتكەر تالاپكەرلەر مەملەكەتتىك تاپسىرىس بويىنشا وقىتۋ كونكۋرسىنا قاتىسۋى ءتيىس. ىرىكتەۋ ءبىلىم تۋرالى اتتەستاتتىڭ ورتاشا كونكۋرستىق بالى بويىنشا وتكىزىلەدى.
ايتا كەتەرلىگى، مەملەكەت باسشىسىنىڭ تاپسىرماسى بويىنشا كوللەدجدەرگە اكادەميالىق دەربەستىك بەرىلگەن.
بۇرىندارى بعم ءتۇرلى بىلىكتىلىكتەر بويىنشا ورتا ەسەپپەن 2 جىلدان 4 جىلعا دەيىنگى وقىتۋ مەرزىمدەرىن رەتتەپ، بەلگىلەگەن. بۇل ەرەجە «ءبىلىم تۋرالى» زاڭنان الىنىپ تاستالدى. ەندى بۇل وندىرىستىك كاسىپورىندارمەن كەلىسىلگەن ناقتى ءبىلىم بەرۋ باعدارلامالارىنا جانە جۇمىس بەرۋشىلەرگە قاجەتتى وقىتۋ ناتيجەلەرىنە بايلانىستى.
بۇگىندە كوللەدجدەر جۇمىس بەرۋشىلەرمەن بىرلەسىپ، ءبىلىم بەرۋ باعدارلامالارىنىڭ مازمۇنىن، وقۋ مەرزىمدەرىن دەربەس ايقىندايدى، ياعني مامانداردى دايارلاۋ ەڭبەك نارىعىنىڭ تالاپتارىنا سايكەس كەلەدى. سونىمەن قاتار ءبىلىم بەرۋ باعدارلامالارىنىڭ ءتىزىلىمى جاسالدى.