الماتى اكىمى ەربولات دوسايەۆ «الماتى جىلۋ جەلىلەرى» ج ش س الداعى 2023-2024 جىلىتۋ كەزەڭىنە دايىندىق ماسەلەسى بويىنشا كوشپەلى كەڭەس وتكىزدى. قالا باسشىسى تۇتىنۋشىلارعا قىزمەت كورسەتۋ ورتالىعىنىڭ جۇمىسىمەن جانە كاسىپورىننىڭ باس ديسپەچەرلىك پۋنكتىمەن تانىستى. ارالاۋ بارىسىندا قالا اكىمى الماتى قالاسىنىڭ جىلۋمەن جابدىقتاۋ جۇيەسى نىساندارىنىڭ اۋقىمىن كەڭەيتۋ جانە ديسپەچەرلەۋدى جاڭعىرتۋ تۋرالى تاپسىرما بەردى.
بۇدان كەيىن قالا اكىمى تىرشىلىكتى قامتاماسىز ەتۋ جۇيەلەرىنىڭ، الەۋمەتتىك نىساندار مەن قالانىڭ تۇرعىن ءۇي قورىنىڭ دايىندىعى بويىنشا جاعدايمەن تانىستى. ەنەرگەتيكا جانە سۋمەن جابدىقتاۋ، كوممۋنالدىق ينفراقۇرىلىمدى دامىتۋ، دەنساۋلىق ساقتاۋ جانە ءبىلىم باسقارمالارىنىڭ باسشىلارى مەن «الماتى جىلۋ جەلىلەرى» ج ش س، «الماتىتەپلوكوممۋنەنەرگو» ج ش س، «الماتى سۋ» مكك، «الماتى ەلەكتر ستانسيالارى» اق، «الاتاۋ جارىق كومپانياسى» اق جانە «قازترانسگازايماق» اق باسشىلارى الماتىنىڭ كوممۋنالدىق كاسىپورىندارى جۇرگىزەتىن جوندەۋ جانە دايىندىق جۇمىستارىنىڭ ارالىق قورىتىندىسى تۋرالى باياندادى.
ەنەرگيا كەشەنى مەن ينجەنەرلىك جەلىلەردىڭ 2023 جىلعى 14 شىلدەدەگى جاعداي بويىنشا قىسقى جىلىتۋ كەزەڭىنە دايىندىعى كەستە بويىنشا ءجۇرىپ جاتىر، ءقازىر 55،3%-عا دايىن. بۇل وتكەن جىلدىڭ وسى كەزەڭىمەن سالىستىرعاندا 2،3%-عا كوپ. جۇمىستىڭ نەگىزگى بولىگى بيىل 20 تامىزعا دەيىن اياقتالادى.
اتاپ ايتقاندا، جىلۋ جەلىلەرىنىڭ دايىندىعى 65%-عا جەتتى. جىلۋ كوزدەرى، سۋمەن جابدىقتاۋ جەلىلەرى جانە ەلەكتر جەلىلەرىنىڭ دايىندىعى 50%-دان استى. كومىر مەن مازۋت قورلارىن جيناقتاۋ دا جوسپار بويىنشا ءجۇرىپ جاتىر، «الەس» اق نىساندارىندا 97% كومىر (166 مىڭ توننانىڭ 160،3ء-ى) جانە 55% مازۋت (16 مىڭ توننانىڭ 8،9-ى)، «اجكە» ج ش س – 26،4% كومىر (120 توننانىڭ 31،7ء-ى) جانە 90% مازۋت (8،7 مىڭ توننانىڭ 7،9-ى) دايىندالدى.
ەربولات دوسايەۆ تۇرعىن ۇيلەردىڭ كۇزگى-قىسقى كەزەڭىنە دايىندىق ماسەلەسىنە ەرەكشە نازار اۋدارىپ، كوممۋنالدىق ينفراقۇرىلىمدى دامىتۋ باسقارماسىنا جانە اۋدان اكىمدەرىنە وسى جۇمىستى باقىلاۋ بويىنشا ناقتى تاپسىرمالار بەردى، سونىمەن بىرگە قالانىڭ قىس مەزگىلىنە، ونىڭ ىشىندە قالانىڭ بارلىق الەۋمەتتىك نىسانىنىڭ دايىندىعى ماسەلەسىن باقىلاۋدا ۇستاۋدى جالعاستىراتىنىن اتادى.