الماتىدا جاڭا جىل ءتۇنى قالالىق قىزمەت كۇشەيتىلگەن رەجيمدە جۇمىس ىستەپ جاتىر
جاڭا جىل قارساڭىندا جانە مەرەكە كۇندەرى الماتى قالاسىنىڭ قالالىق قىزمەتى كۇشەيتىلگەن جۇمىس رەجيمىنە كوشتى. تۇرعىنداردىڭ كوبى بۇل كۇندەردى جاقىندارىمەن بىرگە وتكىزگەنىمەن، مىڭداعان مامان قالانىڭ ءقاۋىپسىز، تازا ءارى جىلى بولۋىن قامتاماسىز ەتۋ ءۇشىن تاۋلىك بويى قىزمەت اتقارىپ جاتىر.
قوعامدىق ءتارتىپتى ساقتاۋ جانە ادامدار كوپ جينالاتىن ورىنداردا جەدەل ارەكەت ەتۋ ماقساتىندا پاترۋلدەۋ كۇشەيتىلدى. قۇقىق بۇزۋشىلىقتاردىڭ الدىن الۋعا، سونداي-اق، بالالار مەن كامەلەتكە تولماعانداردىڭ قاۋىپسىزدىگىنە ەرەكشە نازار اۋدارىلىپ وتىر. سونىمەن قاتار، جەدەل ارەكەت ەتۋ قىزمەتتەرى، مەديسينا بريگادالارى، كوممۋنالدىق جانە اپاتتىق قىزمەتتەر تاۋلىك بويى ۇزدىكسىز جۇمىس ىستەۋدە.
جاڭا جىلدى جۇمىس ورنىندا قارسى الىپ، مەرەكە كۇندەرى ەڭبەك ەتىپ جۇرگەن بارشا مامانعا العىس بىلدىرەمىز. قاشىقتا بولسا دا، جاقىندارىڭىزدىڭ ەڭ جىلى لەبىزى جانىڭىزدان تابىلسىن. جاڭا جىل قۇتتى بولسىن!