اۋعانستاننان كەلگەن ستۋدەنت قىزدار الماتىداعى جاڭا جىلدىق كونسەرتكە جوعارى باعا بەردى
قازىرگى ۋاقىتتا الماتىداعى استانا الاڭىندا ءوتىپ جاتقان مەگاپوليستىڭ ورتالىق مەرەكەلىك شوۋىنا اۋعانستاننان كەلگەن قوناقتار دا قاتىسىپ جاتىر. ولار ءىس-شارانىڭ جوعارى دەڭگەيدە ۇيىمداستىرىلعانىن ايتىپ، ەرەكشە اسەر العانىن جەتكىزدى.
— بەزەندىرۋدەن باستاپ كونسەرتتىك باعدارلاماعا دەيىن بارلىعى جان-جاقتى ويلاستىرىلعان. ۇيىمداستىرۋشىلاردىڭ تىڭعىلىقتى دايىندالعانى بايقالادى. وتە زاماناۋي ءارى جاستارعا قىزىقتى، — دەدى الماتىلىق جوعارى وقۋ ورىندارىنىڭ بىرىندە ءبىلىم الىپ جۇرگەن ستۋدەنت Zohra Pardis.
اۋعانستاننان كەلگەن تاعى ءبىر قوناق Sama Hamidء-تىڭ ايتۋىنشا، ولار قازاقستاندىق ونەرپازداردىڭ ونەرىن العاش رەت تاماشالاعان.
— ءبىز كوپ سۋرەتكە ءتۇسىپ، بەينەجازبا جاسادىق. بارلىعى وتە ۇناپ جاتىر، — دەدى ول.