الماتىدا جاستاردىڭ ەرىك-جىگەرىن وياتاتىن «LAULA» ءفيلمىنىڭ پرەمەراسى ءوتتى.
تۋىندىدا 22 جاستاعى ارۋدىڭ شىم-شىتىرىققا تولى كەزەڭى باياندالعان. شاعىن عانا قالادان شىققان قىزدىڭ الىپ شاھار الماتىعا كەلىپ، قالاي ميلليونەر اتانعانى سۋرەتتەلەدى، دەپ حابارلايدى Almaty-akshamy.kz.
«LAULA» ءفيلمنىڭ سەنراييى نەبارى 10 كۇندە جازىلىپ، تۋىندىنىڭ ءتۇسىرىلىمى بار-جوعى 12 كۇندە اياقتالعان. باستى ءرولدى سومداعان بلوگەر لاۋرا لەسبەككە بۇل يدەيا باليدە ساياحاتتاپ جۇرگەندە كەلىپتى. ول ءوزىنىڭ ءومىرىن بوياماسىز كورسەتۋدى كوزدەگەن. فيلم سيۋجەتىندە قارجىلىق قىسىلتاياڭ كەزدە شەشىم قابىلداپ، ارەكەت ەتكەن ادامنىڭ جەتىستىككە جەتەتىنە سەندىرۋگە تىرىسادى.
«بۇل فيلم ءاربىر قازاق قىزىن، ءاربىر قازاق جاسىن لاۋلاتاتىن فيلم، سەبەبى بۇل موتيۆاسيالىق فيلم، بۇل ءاربىر جاستىڭ ءوزىنىڭ قالاعان قالاۋىنا، ارمانىنا قولىنىڭ جەتە الاتىنىنا كورسەتەتىن فيلم جانە دە بۇل فيلم ارقىلى ءوزىنىڭ ءقازىر وتى ءسونىپ جۇرگەن جاندار، مۇمكىن ۇبت-دان قۇلاعان جاندار، ءوزىنىڭ ومىرلىك جولىن تاپپاي جۇرگەن جاندار، ءوزىنىڭ ومىرلىك جولىن تابۋىنا سەپتىگىن تيگىزەدى دەگەن ويدامىن»، - دەيدى «LAULA» ءفيلمىنىڭ پروديۋسەرى لاۋرا لەسبەك.
كينو الماتى جانە لەڭگىر قالالارىندا تۇسىرىلگەن. ال ءتۇسىرىلىم كومانداسىنىڭ نەگىزگى مۇشەلەرى 22 ادام. شىعارماشىلىق توپ ءفيلمدى جاستاردىڭ اتا-انالارىمەن بىرگە كورۋىنە كەڭەس بەرەدى. ويتكەنى، بالاعا اكە-شەشەسىنىڭ قولداۋى قانشالىقتى ماڭىزدى ەكەنى باياندالادى.
«LAULA» ءفيلمىن كورگەن كەزدە موتيۆاسيا الۋعا بولادى، لاۋرانىڭ باسىنان وتكەن وقيعاسى، ءوزىنىڭ قينالعان ساتتەرىنەن باستاپ، قالاي ول قيىندىقتاردى جەڭۋ كەرەك، قالاي وز-وزىڭمەن جۇمىس جاساۋ كەرەك سونىڭ بارلىعى كورسەتىلەدى، مەن ول كينودا لاۋرانىڭ جىگىتى بولىپ وينايمىن، باسىندا ويلاعان جوقپىن بۇل وسىنداي اسەرلى كينو بولادى دەپ، ءوزىم كورگەن كەزدە كادىمگىدەي ويلاندىم»، - دەيدى اكتەر دىنمۇحامەد جولداس.
ورىمدەي قىزدىڭ وزگەگە شابىت بەرىتىن ءفيلمىن ەلىمىزدىڭ بارلىق «كينوپارك» جانە «كينوپلەكس» كينوتەاترلارىنان كورۋگە بولادى.