الماتى قازاقستان قالالارىنىڭ العاشقىسى بولىپ قالا تۇرعىندارىنىڭ قاۋىپسىزدىگى مەن جايلىلىعى ءۇشىن جاڭا تەحنولوگيالاردى ەنگىزدى aqshamnews.kz
الماتىدا جاساندى ينتەللەكتتى پايدالانا وتىرىپ، ناقتى ۋاقىتتاعى باقىلاۋ كامەرالارىنان ۆيدەو ءساتتى قولدانىلادى. ماسەلەن، 2023 جىلى الماتى اكىمدىگى قازاقستاندا العاش رەت مەملەكەتتىك ءبىلىم بەرۋ جانە مەكتەپكە دەيىنگى مەكەمەلەردە قاۋىپسىزدىكتىڭ كەشەندى جۇيەسىن ەنگىزدى، دەپ حابارلايدى،
الماتىنىڭ وڭ تاجىريبەسىن قابىلداي وتىرىپ، بۇل تەحنولوگيا ەلىمىزدىڭ باسقا وڭىرلەرىندە دە قولدانىلا باستادى. ءبىرىڭعاي ۆيدەومونيتورينگ جۇيەسىنىڭ جوباسى 2022 جىلى ىسكە قوسىلدى جانە بۇگىندە جۇيە 45 مىڭ قالالىق كامەرانى بىرىكتىرەدى. كەلەسى جىلدىڭ سوڭىنا قاراي ولاردىڭ سانى 70 مىڭعا دەيىن وسەدى.
وسى جۇيەنىڭ ارقاسىندا وتكەن جىلى اۋىر قىلمىس جاسادى دەپ كۇدىكتەنگەن، سونداي-اق ىزدەۋدە جۇرگەن ونداعان ادام تابىلىپ، ۇستالدى. جۇيە ىزدەۋدە جۇرگەن ادامدار تۋرالى 13 مىڭنان استام جازبادان تۇراتىن قۇقىق قورعاۋ ورگاندارىنىڭ دەرەكتەر بازاسىمەن بىرىكتىرىلگەن.
«جۇيە ىزدەۋدە جۇرگەن ادامدى انىقتاعان كەزدە جاعداي ورتالىعى مەن پوليسيا بولىمشەلەرىنە ناقتى كوورديناتتاردى جىبەرۋ ارقىلى بىردەن حابارلايدى. بۇل ارەكەت ەتۋ ۋاقىتىن ەداۋىر قىسقارتادى جانە پوليسيا جۇمىسىنىڭ تيىمدىلىگىن ارتتىرادى»، - دەدى الماتى قالاسىنىڭ سيفرلاندىرۋ باسقارماسى.
سونداي-اق، جاساندى ينتەللەكت الگوريتمدەرى: ادامدار توبىن انىقتاۋعا جانە ولاردىڭ مىنەز-قۇلقىن تالداۋعا، كۇدىكتى زاتتاردى انىقتاۋعا، قوعامدىق ورىندارداعى قارۋ-جاراق ۇلگىلەرىن تانۋعا، ادامداردى/كولىكتەردى كەسكىن نەمەسە فوتوسۋرەت بويىنشا ىزدەۋگە، جول قوزعالىسى ەرەجەلەرىن بۇزۋدى تىركەۋگە، وت پەن ءتۇتىندى انىقتاۋعا مۇمكىندىك بەرەدى.
قولجەتكەندەرمەن توقتاپ قالماي، قالادا جەرگىلىكتى قىزمەتتەردىڭ جۇمىسىن جاقسارتاتىن ۆيدەوساراپتامانىڭ جاڭا تۇرلەرى سىنالۋدا جانە ەنگىزىلۋدە: قوقىس جينالاتىن ورىنداردى، تولىپ جاتقان ۋرنالار مەن كونتەينەرلەردى، قاڭعىباس جانۋارلاردى انىقتاۋ، قوعامدىق كولىكتەردەگى ۆيدەو اعىندارىن زەرتتەۋ، قاتتى دىبىستاردى تىركەۋگە ارنالعان اۋديوساراپتامانى قولدانۋ.
بۇگىنگى تاڭدا «كەشەندى قاۋىپسىزدىك جۇيەسى» جوباسىمەن 400-دەن استام مەملەكەتتىك مەكتەپتەر مەن بالاباقشالار قامتىلعان، ولاردىڭ بارلىعى سيفرلىق ۆيدەوباقىلاۋ كامەرالارىمەن، ۆيدەودوموفوندارمەن، بەتتى تانۋ فۋنكسياسى بار تۋرنيكەتتەرمەن، دابىل تۇيمەلەرىمەن جانە قالالىق شۇعىل ارەكەت ەتۋ قىزمەتتەرىنە قوسىلعان ءورت دابىلى داچيكتەرىمەن جابدىقتالعان.
ءقازىر جەكە ءبىلىم بەرۋ مەكەمەلەرىن ۆيدەوكامەرالار جۇيەسىنە بەلسەندى قوسۋ ءجۇرىپ جاتىر. اعىمداعى جىلدىڭ سوڭىنا دەيىن بارلىق مەملەكەتتىك مەديسينالىق مەكەمەلەردە وسىنداي قاۋىپسىزدىك جۇيەسىن ەنگىزۋ جوسپارلانۋدا.