الماتىدا جالپىقالالىق بوس ورىندار جارمەڭكەسى وتەدى

جارمەڭكەدە جۇمىس بەرۋشىلەر ىزدەنۋشىلەرمەن كەزدەسەدى.

2022 جىلعى 19 قازاندا ساعات 11:00-دە الماتى قالاسىنداعى ارباتتىڭ بويىندا (جىبەك جولى-پانفيلوۆ) جالپىقالالىق بوس ورىندار جارمەڭكەسى وتەدى. جارمەڭكەنى الماتى قالاسى اكىمدىگىنىڭ تەحنيكالىق قولداۋىمەن «الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم ۇيىمداستىرادى، دەپ حابارلايدى Almaty-akshamy.kz.

جارمەڭكە وتكىزۋدىڭ ماقساتى - جاستار مەن وقۋ ورىندارىنىڭ تۇلەكتەرى جانە جۇمىس ىزدەۋشىلەر ءۇشىن جۇمىس ورىندارىنىڭ قولجەتىمدىلىگىن كەڭەيتۋ، لايىقتى ۇمىتكەرلەردى تارتۋ ارقىلى جۇمىس بەرۋشىلەر ءۇشىن جالداۋ پروسەسىن جەڭىلدەتۋ جانە ولاردىڭ جۇمىسقا ورنالاسۋىنا جاردەمدەسۋ.

جارمەڭكەگە ونەركاسىپ، ءوندىرىس، ساۋدا جەلىلەرى، تاماقتانۋ، مەديسينا، فارماسيەۆتيكا، ءبىلىم بەرۋ سالالارىنان جۇمىس بەرۋشىلەر قاتىسادى.

جارمەڭكەدە جۇمىس بەرۋشىلەر ىزدەنۋشىلەرمەن كەزدەسەدى، ال ىزدەنۋشىلەر قويىلعان تالاپتارمەن، بوس جۇمىس ورىندارمەن تانىسادى. ءوتىنىش بەرۋشىلەر  تۇيىندەمەنى جىبەرۋگە جانە سول جەردە الدىن الا سۇحباتتاسۋعا مۇمكىندىك الادى.

تىركەۋ ۋاقىتى ساعات 10:00-دە.

جۇمىس بەرۋشىلەردىڭ وتىنىشتەردى قابىلداۋ ءۇشىن تومەندەگى پوشتاعا prm@cz-almaty.kz جىبەرۋىڭىزدى سۇرايمىز جانە وسى +7 (708) 522-44-35 ءنومىرى بويىنشا حابارلاسىڭىز.

تولىق اقپارات الۋ ءۇشىن الماتى قالاسى اكىمدىگىنىڭ حالىقتى جۇمىسپەن قامتۋ ورتالىعىنا، دوستىق داڭعىلى، 85 مەكەنجايى بويىنشا حابارلاسۋ قاجەت.

تەل.: +7 (727) 310 21 31

ەلەكتروندىق پوشتا: info@cz-almaty.kz