تەرگەۋ بارىسىندا 106 مىڭعا جۋىق جالعان اۆتوكولىك بولشەكتەرى تاركىلەندى.
قارجى مونيتورينگ اگەنتتىگىنىڭ مالىمەتىنشە، الماتىدا تانىمال برەندتەردىڭ اتىن جامىلىپ، جالعان اۆتوكولىك بولشەكتەرىن ساتۋمەن اينالىسقان توپ ۇستالدى، - دەپ حابارلايدى Almaty-akshamy.kz
«جەدەل ءىس-شارالار بارىسىندا جالپى سوماسى 1،8 ميلليارد تەڭگەدەن اسا سوماعا «تويوتا»، «لەكسۋس»، «حيۋنداي»، «حوندا» تاۋار بەلگىسى بار كونترافاكتىلىك اۆتو بولشەكتەر قويماسى جويىلدى. الماتى قالاسى بويىنشا قما اۋماقتىق دەپارتامەنتى قالالىق پروكۋراتۋرانىڭ ۇيلەستىرۋىمەن جوعارىدا اتالعان تۇلعالارعا قاتىستى سوتالدى تەرگەۋ امالدارىن اياقتادى»، - دەلىنگەن حابارلامادا.
ۆەدومستۆو مالىمەتىنشە، كونترافاكتىلىك قوسالقى بولشەكتەر فيرمالىق قوراپتارعا سالىنىپ، قازاقستاننىڭ كولىك بازارلارىنا تاراتىلعان.
ءقازىر ءىس سوتتا قارالىپ جاتىر. قارجى مونيتورينگى اگەنتتىگى تاۋار تاڭبالارىنىڭ زاڭسىز پايدالانىلۋىن انىقتاۋ جانە ادال بيزنەستى قورعاۋ بويىنشا جۇمىستى جالعاستىرىپ جاتىر.