الماتىدا جان-جاقتى جوسپارلاۋدىڭ جاڭا جوبالارىندا 200 شاقىرىم ۆەلوجولدار مەن جاياۋ جۇرگىنشىلەر ايماقتارىن قۇرۋ قاراستىرىلعان
الماتى اكىمدىگى قالانىڭ 2040 جىلعا دەيىنگى باس جوسپارىنا سايكەس ازىرلەنگەن جان- جاقتى جوسپارلاۋدىڭ جاڭا جوبالارىن قابىلدادى، دەپ حابارلايدى almaty-akshamy.kz
جان-جاقتى جوسپارلاۋدىڭ جاڭا جوبالارىن ازىرلەۋشىلەردىڭ باسشىلىققا العان قاعيداتتاردىڭ ءبىرى-قالالىق قوزعالىسقا قاتىسۋشىلاردىڭ ءاربىر توبى ءۇشىن جەكە ينفراقۇرىلىم، اتاپ ايتقاندا تروتۋارلار، ۆەلوجولدار، اۆتوموبيل جولدارى، قوعامدىق كولىككە ارنالعان بولىنگەن جولاقتار قۇرىلۋى ءتيىس.
ماسەلەن، تاريحي ورتالىقتا جاڭا جوبالار بويىنشا جاياۋ جۇرگىنشىلەر اۋماعى قالپىنا كەلتىرىلەدى، ال قالعان اۋدانداردا جاياۋ جۇرگىنشىلەر بايلانىسى جۇيەسى جولعا قويىلادى – 2030 جىلعا قاراي الماتىدا قوسىمشا 200 شاقىرىم جاياۋ جۇرگىنشىلەر ايماقتارى مەن ۆەلوجولدار قۇرىلاتىن بولادى.
جالپى، جاڭا جوبادا تابيعي كەشەندەر – مەدەۋ شاتقالى، باۋم توعايى، سايران كولى، بورالداي توعاندارى، ىلە-الاتاۋ تابيعي پاركىنىڭ اۋماعى جانە ت.ب. اراسىندا جاسىل دالىزدەر قۇرۋ كوزدەلگەن.
ۇلكەن جانە كىشى الماتى، ەسەنتاي وزەندەرىنىڭ جاعالاۋلارىن اباتتاندىرۋ جانە كوگالداندىرۋ جۇمىستارى اياقتالادى، ۇاك بويىندا دەمالىس ايماعى جانە باسقا دا جاسىل دالىزدەر قۇرىلادى. ورمان-ساياباق ايماعى كوكقاينار كەنتىنىڭ شىعىسىندا، شاڭىراق 1 جانە 2 شاعىناۋداندارى اراسىنداعى سايلى ايماقتا، جاڭا جەلىلىك ساياباق – «باتىس» پوليورتالىعى پايدا بولۋى ءتيىس. قۇلجا تراكتىسى مەن بۇقتىرما كوشەسىنىڭ قيىلىسىندا (اۋەجايعا بارار جولدا)اۋماعى 120 گا تابيعي اۋماقتى كول جانە ەكى وزەن جاعالاۋىمەن قوسا اباتتاندىرۋ جالعاسادى.
بۇدان باسقا، الماتىنىڭ كەشەندى كولىك سىزباسىن (ككس) ازىرلەۋ اياسىندا ۆەلوسيپەد كولىگى ينفراقۇرىلىمىن دامىتۋدىڭ ناقتى باعدارلاماسى قالىپتاستىرىلۋدا. ۆەلو-ينفراقۇرىلىمدى كەڭەيتۋ بويىنشا جوبالاردى ىسكە اسىرۋدى باستاۋ اعىمداعى جىلعا جوسپارلانعان. 2024 جىلى شامامەن 20 شاقىرىم كوشە ءۇشىن جوبالاردى ازىرلەۋ جانە ىسكە اسىرۋ جوسپارلانۋدا.
ۆەلوجولاقتاردىڭ ۇزاقتىعى جانە جوبالاردى ىسكە اسىرۋ مەرزىمدەرى جوبالاۋ-سمەتالىق قۇجاتتامانى (جسق) ازىرلەگەن سوڭ جانە ناقتى جوباعا ساراپتامانىڭ وڭ قورىتىندىسىن العاننان كەيىن ايقىندالاتىن بولادى.
ەسكە سالساق، باس جوسپاردا مەگاپوليستى دامىتۋدىڭ مونوورتالىق مودەلىنەن پوليورالىق مودەلگە كوشۋ قاعيداتى بار. وسىلايشا، 2030 جىلعا دەيىن 5 پوليورتالىقتار قۇرىلاتىن بولادى-ولار ارنايى ايماقتار، قوعامدىق جانە ىسكەرلىك بەلسەندىلىك ورتالىقتارى: «شىعىس قاقپاسى»، «تاريحي ورتالىق»، «سولتۇستىك»، «وڭتۇستىك-باتىس»، «باتىس».