مەگاپوليس اكىمى باقىتجان ساعىنتايەۆ جۇمىس ساپارى بارىسىندا رىسقۇلوۆ داڭعىلى مەن ەمسوۆ كوشەسىنىڭ قيىلىسىنداعى جولايرىق بويىمەن كولىك قوزعالىسىن باستاپ بەردى، دەپ حابارلايدى اlmaty-akshamy.kz
رىسقۇلوۆ داڭعىلى مەن ەمسوۆ كوشەسىنىڭ قيىلىسىنداعى كولىك جولايرىعىنىڭ قۇرىلىسى اياقتالدى. رىسقۇلوۆ داڭعىلى ارقىلى وتەتىن ەستاكادانىڭ ۇزىندىعى 186 مەتردى قۇرايدى. ونىڭ قۇرىلىسى وسى ايماقتا ورنالاسقان قۇرىلىس يەلەرىمەن بولعان سوت پروسەستەرىنە بايلانىستى كەشىكتىرىلدى.
بۇرىندارى جەكەلەگەن بۇيىرلىك جولدارى بويىنشا قوزعالىس اشىلعان بولاتىن. جولايرىعى رىسقۇلوۆ داڭعىلى بويىمەن جۇرەتىن كولىكتەردى وتكىزۋ قابىلەتىن تاۋلىگىنە 80 مىڭ اۆتوموبيلگە دەيىن، ەمسوۆ كوشەسى بويىمەن 40 مىڭعا دەيىن ارتتىرادى.
حابارلانعانداي، بيىل الماتىنىڭ 274 كوشەسىندەگى جاڭا جولداردىڭ ۇزىندىعى 415 كوشەنىڭ 108 شاقىرىمىن قۇرايدى. جالپى ۇزىندىعى 80 شاقىرىمعا جەتكەن 7 شاقىرىم ۆەلوجول سالۋ جۇمىستارى اياقتالدى.
بۇعان دەيىن قۇلجا تراكتىسى مەن بۇقتىرما كوشەسىنىڭ قيىلىسىندا سالىنىپ جاتقان جولايرىقتا قۇلجا تراكتىسى بويىنشا ەكى باعىتتا كولىك قوزعالىسى ۇيىمداستىرىلعان بولاتىن. بۇدان باسقا، تۇسەتىن جولدار بويىنشا بۇقتىرما كوشەسىنەن قۇلجا تراكتىسىنە شىعىسقا قاراي، سونداي-اق قۇلجا تراكتىسى بويىمەن بۇقتىرما كوشەسىنە تۇسەتىن جول ارقىلى بۇرىلۋ الاڭىنا وتپەستەن قوزعالىس اشىلدى.