جول اپاتىندا ءتورت كولىك قاقتىعىسقان
جول اپاتىنىڭ ۆيدەوسى الەۋمەتتىك جەلىدە تارادى. جول-كولىك وقيعاسى بايتۇرسىنوۆ كوشەسىنىڭ بويىندا (ايتەكە بي - گوگول كوشەلەرىنىڭ ارالىعى) بولدى.
قالالىق پوليسيا دەپارتامەنتىنىڭ باسپا ءسوز قىزمەتى ءمالىم ەتكەندەي، Ford كولىگىنىڭ جۇرگىزۋشىسى كولىگىن توقتاتا الماي، بار ەكپىنىمەن Mitsubishi Lancer-گە سوعىلادى. سوققىدان Mitsubishi Lancer كولىگى Mitsubishi Montero ماشيناسىنىڭ استىنا كىرىپ كەتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
Mitsubishi Montero الىندا تۇرعان Volkswagen Passat-قا سوعىلادى. جول اپاتى سالدارىنان Mitsubishi Lancer-دەگى ايەل جولاۋشى زارداپ شەكتى. وقيعا ورنىندا جول پوليسياسىنىڭ قىزمەتكەرلەرى جۇمىس ىستەۋدە. جول اپاتىنىڭ سەبەپتەرى انىقتالىپ جاتىر.