جەتىسۋ اۋدانىنىڭ ءتارتىپ ساقشىلارى وتكەن دەمالىس كۇندەرى بوتەننىڭ مۇلكىن ۇرلاۋ بويىنشا ەكى قىلمىستىڭ بەتىن اشتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىرىنشى جاعدايدا 33 جاستاعى ايەل ادام ۇرلىق جاساۋعا بەل بۋدى. ول كافەلەردىڭ بىرىندە بوتەن بىرەۋدىڭ اقشاسى مەن زاتتارى سالىنعان سومكەسىن ۇرلاپ كەتكەن. تاعى ءبىر جاعدايدا، 41 جاستاعى ت.ەسىمدى ازامات ساۋدا ۇيلەرىنىڭ ءبىرىنىڭ قويماسىنان نوۋتبۋكتى ۇرلاعان. ەكى جاعدايدا دا قىلمىس بەينەباقىلاۋ كامەرالارىنا ءتۇسىپ قالعان. جەدەل-ىزدەستىرۋ شارالارىنىڭ ناتيجەسىندە كۇدىكتىلەر ۇستالدى. ولار ءوز ىستەرىن مويىندادى. ايتپاقشى، ەر ادام بۇعان دەيىن دە وسىعان ۇقساس قىلمىستار جاساعانى ءۇشىن قىلمىستىق جاۋاپكەرشىلىككە تارتىلعان. تەرگەۋشىلەر ۇستالعانداردىڭ باسقا دا ىقتيمال قۇقىق بۇزۋشىلىقتارعا قاتىسى بار-جوعىن انىقتاپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.