ينۆاتاكسي جوباسى قوسىمشا قاجەتتىلىكتەرى بار ادامدار ءۇشىن قولايلى جانە ءقاۋىپسىز قوزعالۋدى قامتاماسىز ەتۋگە باعىتتالعان جانە اعىمداعى جىلدىڭ قىركۇيەگىنە دەيىن ەكى اي ىشىندە پيلوتتىق رەجيمدە ىسكە اسىرىلاتىن بولادى. ول تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ ايتىپ بەردى.
سپيكەردىڭ ايتۋىنشا، مەگاپوليستە "ينۆاتاكسي" قىزمەتىن 2 مىڭنان استام ادام پايدالانادى، ونىڭ 800ء-ى مۇگەدەك بالالار. بيىل ينۆاتاكسي قىزمەتىن ۇيىمداستىرۋعا جەرگىلىكتى بيۋدجەتتەن 920 ملن تەڭگە ءبولىندى.
"بۇعان دەيىن مەگاپوليستە قوسىمشا قاجەتتىلىكتەرى بار ادامداردى تاسىمالداۋعا مامانداندىرىلعان كولىك تاپشىلىعى بايقالعان بولاتىن، جانە دە ينۆاتاكسي قىزمەتتەرىنىڭ ساپاسىنا قاتىستى ەسكەرتۋلەر بولعان. كورسەتىلەتىن قىزمەتتەردى بارىنشا قامتۋ جانە ساپاسىن ارتتىرۋ ءۇشىن الماتى قالاسى اكىمدىگىنىڭ باستاماسىمەن جانە ەڭبەك مينيسترلىگىنىڭ قولداۋىمەن «ياندەكس. تاكسي» اگرەگاتورى ارقىلى ينۆاتاكسي قىزمەتتەرىن ۇسىنۋ جوباسى جۇزەگە استى"، - دەدى ب. جاۋباسوۆ.
سونىمەن قاتار، جوبا اياسىندا وڭ ناتيجەلەرى بويىنشا ق ر ەڭبەك جانە حالىقتى الەۋمەتتىك قورعاۋ مينيسترلىگى نورماتيۆتىك-قۇقىقتىق اكتىلەرگە ءتيىستى وزگەرىستەر ەنگىزۋدى جوسپارلاپ وتىرعانىن اتاپ ءوتتى.
قىزمەتتى جەتكىزۋشىلەر ءۇشىن ياندەكس تاكسي پلاتفورماسىندا ەسەپتىك جازبالار جاسالدى جانە مۇگەدەكتىگى بار ادامداردى پيلوتتىق جوباعا قوسۋ مۇمكىندىگى بەرىلدى. وسى پيلوتتىق جوباعا قوسىلعان مۇگەدەكتىگى بار ادامدار «ياندەكس تاكسي» قوسىمشاسى ارقىلى قىزمەتتەرگە تاپسىرىس بەرۋدى ىڭعايلى ۋاقىتتا ياندەكس Go قوسىمشاسىندا ارنايى ازىرلەنگەن «INVA» ءتاريفى ارقىلى دەربەس جۇزەگە اسىرا الادى. بۇل پيلوتتىق جوبادا كۇنىنە ساپارلار سانىندا شەكتەۋ قويىلعان، مۇگەدەكتىگى بار ءبىر ادام ءۇشىن كۇنىنە 2 ساپاردان اسپايتىن ليميت بەلگىلەنگەن.
ايتا كەتۋ كەرەك، جىل سايىن بۇل قىزمەتكە قاجەتتىلىك ارتىپ كەلەدى: 2021 جىلى 1462 مۇگەدەك ادام، ونىڭ ىشىندە 357 مۇگەدەك بالا بولسا، ال 2022 جىلى 1488 مۇگەدەك ادام، ونىڭ ىشىندە 632 مۇگەدەك بالا.
الماتى قالاسى بويىنشا قىزمەت ازاماتتاردىڭ بەس ساناتى ءۇشىن ۇسىنىلادى:
- كرەسلو-اربامەن قوزعالاتىن جانە تىرەك-قيمىل اپپاراتى بۇزىلعان مۇگەدەكتىگى بار ادامدار مەن مۇگەدەكتىگى بار بالالار ءۇشىن؛
- كورۋ قابىلەتى بۇزىلعان مۇگەدەكتىگى بار ادامدار مەن مۇگەدەكتىگى بار بالالار ءۇشىن؛
- اۋتيزم سپەكترى بۇزىلعان مۇگەدەكتىگى بار بالالار ءۇشىن (اۋتيزم).
شىلدە ايىنان باستاپ 2023 جىلدىڭ سوڭىنا دەيىن 4 "ينۆاتاكسي" قىزمەتىمەن مەملەكەتتىك ساتىپ الۋ شارتتارى جاسالدى، اۆتوموبيلدەر سانى 64-تەن 100 كولىك قۇرالىنا دەيىن ۇلعايتىلدى (32 جابدىقتالعان اۆتوماشينا جانە 68 جەڭىل اۆتوماشينا شىعارىلعان جىلى 2019 جىلدان ەرتە ەمەس).
ينۆاتاكسي قىزمەتىنە قاتىستى بارلىق سۇراقتار بويىنشا الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ تەڭ مۇمكىندىكتەر ءبولىمى جانىنداعى 338-30-09؛ 338-30-06 نومىرلەرى بويىنشا call-ورتالىعىنا، سونداي-اق open-almaty.kz پورتالى ارقىلى حابارلاسۋ قاجەت.
انىقتاما:
1. «Inclusion.kz» قب – كرەسلو-اربامەن قوزعالاتىن مۇگەدەك ادامدار (24 اۆتوكولىك). بايلانىس: +7 707 710 60 50، +7 771 748 06 50، +7 747 195 35 75، +7 771 7480651؛
2. «سرۋ ينۆاتاكسي» ج ش س – كرەسلو-اربامەن قوزعالاتىن بالالار (24 اۆتوماشينا). بايلانىس: +7 (727) 339-03-87، +7 701-306-07-76، +7 776-622-22-64؛
3. «Social Project Organization Group» قب – اۋتيزممەن اۋىراتىن بالالار (14 اۆتوكولىك). بايلانىس: +7 (727) 254-55-94، +7 (727) 367-29-29،+7 708-254-55-94، +7 707-238-93-86؛
4. دەنساۋلىك زور بايلىك مقب – 18 جاسقا دەيىنگى كورۋ قابىلەتى بۇزىلعان بالالار (16 اۆتوكولىك). بايلانىس: +7 707 878 2544، +7 702 925 0048؛
5. دەنساۋلىك زور بايلىك مقب – 18 جاستان اسقان كورۋ قابىلەتى بۇزىلعان مۇگەدەكتەر (22 اۆتوكولىك). بايلانىس: +7 700 070 57 10، +7 727 972 68 09.