الماتىدا قۇقىق قورعاۋ ورگاندارى ينتەرنەت-الاياقتىقپەن اينالىساتىن Call-ورتالىقتىڭ جۇمىسىن انىقتادى. بۇل ءىس-شارا قۇقىق قورعاۋ ورگاندارى مەن بايلانىس وپەراتورلارى اراسىندا جاسالعان مەموراندۋم شەڭبەرىندە باس پروكۋراتۋرا مەن الماتى قالاسى پروكۋراتۋراسىنىڭ ۇيلەستىرۋىمەن جۇزەگە اسىرىلدى.
جەدەل تەرگەۋ بارىسىندا بەلگىلى بولعانداي، رەسەي ازاماتى ءىرى بيزنەس-ورتالىقتاعى كەڭسەلەردىڭ بىرىندە Call-ورتالىق ۇيىمداستىرىپ، قازاقستاننىڭ 24 ازاماتىن جۇمىسقا تارتقان. قىزمەتكەرلەر كريپتوۆاليۋتاعا ينۆەستيسيا سالۋ ۇسىنىسىمەن الەۋەتتى كليەنتتەرگە قوڭىراۋ شالىپ، قولما-قول اقشانى كريپتو-شوتتارعا اۋدارتقان. اقشا اۋدارىلعاننان كەيىن جابىرلەنۋشىلەرمەن بايلانىس تولىعىمەن ۇزىلگەن.
ءتىنتۋ كەزىندە 60 بىرلىك كومپيۋتەرلىك جابدىق تاركىلەندى. ونىڭ ىشىندە ءانونيمدى قوڭىراۋلار جاساۋعا مۇمكىندىك بەرەتىن باعدارلامالارمەن جابدىقتالعان كومپيۋتەرلەر، ءارتۇرلى GSM-شليۋزدەر جانە «Sim-Box» قۇرىلعىلارى بولعان. سونىمەن قاتار، كليەنتتەرمەن سويلەسۋ سەنارييلەرى جازىلعان داپتەرلەر تابىلدى. وندا قىزمەتكەرلەردىڭ قالاي ارەكەت ەتۋى كەرەكتىگى، نە ايتۋى قاجەت ەكەندىگى جانە "اعا مەنەدجەرلەرگە" اۋىسۋ تاسىلدەرى كورسەتىلگەن.
بۇل وقيعا ينتەرنەت-الاياقتىقتىڭ جاڭا ادىستەرىن كورسەتىپ، حالىقتى ساق بولۋعا جانە كۇماندى ۇسىنىستاردان باس تارتۋعا شاقىرۋ قاجەتتىگىن تاعى ءبىر مارتە دالەلدەدى.