ءتارتىپ ساقشىلارى حالىقتان قاراپايىم ساقتىق شارالارىن ساقتاۋدى سۇرايدى.
الماتى پوليسەيلەرى Instagram ارقىلى «ساۋدا» جاساعان ەكى الاياقتى ۇستادى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
الماتىنىڭ كريمينالدىق پوليسياسى Instagram جەلىسىندە برەند كيىمدەردى ساتۋ سىلتاۋىمەن ادامداردى الداپ كەتكەن ەكى جەرگىلىكتى تۇرعىندى ۇستادى.
«الاياقتىق تىزبەگى وتە قاراپايىم بولدى. ۇستالعانداردىڭ ءبىرى – 25 جاستاعى ي.ەسىمدى ازامات الەۋمەتتىك جەلىدە مىناداي ەكى پاراقشا اشقان: «almaty.sneaker» جانە «top.sneakerkross». ءتۇرلى-تۇستى سۋرەتتەر مەن جەڭىلدىكتەر تۋرالى اقپاراتتى ورنالاستىرعان. ونىڭ 19 جاستاعى سەرىكتەسى بولاشاق ساتىپ الۋشىلارمەن بايلانىسىپ، سايكەسىنشە، تاپسىرىستار مەن تولەمدەردى قابىلداعان. الدىن الا تولەم بەيتانىس ادامنىڭ بانكتىك كارتاسىنا ءتۇسىپ وتىرادى. ال پايدانى ولار ەكىگە بولەدى، – دەيدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
قالانىڭ بەس تۇرعىنى وسىنداي الاياقتىق تىزبەككە ىلىنگەن. ءار كليەنتتەن الاياقتار كروسسوۆكا ساتامىن دەپ 15-تەن 20 مىڭ تەڭگەگە دەيىن اقشا العان. ال ارىز بەرۋشىلەر قاراجاتتى اۋدارعاننان كەيىن اياق كيىمسىز جانە اقشاسىز قالعان.
كۇدىكتىلەرگە قاتىستى ق ر قك-نىڭ 190-بابى 2ء-بولىمى 4-تارماعى (الاياقتىق) بويىنشا سوتقا دەيىنگى تەرگەۋ جۇرگىزىلۋدە. پوليسيا ينتەرنەتتە جەڭىلدىكتەر مەن تارتىمدى باعالارى بار ءتۇرلى-تۇستى اككاۋنتتاردىڭ قولدانۋشىلار نازارىن اۋداراتىنىن اتاپ ءوتتى. ادەتتە، ولاردىڭ كوپشىلىگى تاۋارلاردىڭ قولدا بار ەكەنىنە كوز جەتكىزبەستەن، ەلەكتروندى ءاميانعا الدىن الا تولەمدى اۋدارادى.