الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە قالانىڭ سانيتارلىق-ەپيدەميولوگيالىق قىزمەتىنىڭ ماماندارى ۆاكسيناسيا جۇرگىزۋ ۆيرۋستىڭ الدىن الۋدىڭ ءتيىمدى شارالارى ەكەنىن ەسكە سالدى، دەپ حابارلايدى اlmaty-akshamy.kz.
«جالپى، قالادا 2024 جىلدىڭ 5 ايىندا ءبىرقاتار پروفيلاكتيكالىق ەگۋلەر بەلگىلەنگەن جاستاعى حالىقتى قامتۋدىڭ قاجەتتى دەڭگەيىنە (كەم دەگەندە -39،5%) جەتتى، ونىڭ ىشىندە 1 جاسقا دەيىنگى، 18 اي، 6 جاستاعى بالالاردى جانە 16 جاستاعى جاسوسپىرىمدەر، ەرەسەك تۇرعىنداردى ەگۋمەن قامتۋ»، - دەدى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.
پەرزەنتحانالاردا نارەستەلەردى ۆ ۆيرۋستى گەپاتيتىنە جانە تۋبەركۋلەزگە قارسى ۆاكسيناسيامەن قامتۋ قاجەتتى دەڭگەيدەن تومەنىرەك بولىپ - 89،9% جانە 89،0% قۇرادى (ءتىرى تۋعاندار – 20312، ۆگۆ1 ەگىلگەندەر -18233، بسج ەگىلگەندەر -18069)، بۇل نەگىزىنەن قالانىڭ پەريناتالدىق ورتالىقتارىندا تۋىلعان بالالاردىڭ شالا تۋىلۋى سەبەبىنەن مەديسينالىق قارسى كورسەتىلىمدەرگە، سونداي-اق اتا-انالاردىڭ پروفيلاكتيكالىق ەكپەلەردەن باس تارتۋىنا بايلانىستى. بەلگىلەنگەن جاستاعى حالىقتى ەگۋمەن قامتۋدىڭ قاجەتتى دەڭگەيىنە جەتۋ ءۇشىن الماتى قالاسىنىڭ دەنساۋلىق ساقتاۋ باسقارماسىمەن بىرلەسكەن كەڭەستەر ۇيىمداستىرۋ ارقىلى مەديسينالىق ۇيىمدار كەسكىنىندە اي سايىنعى مونيتورينگ جۇرگىزىلەدى.
قالادا، سونداي-اق رەسپۋبليكا بويىنشا اعىمداعى جىلى ناۋرىز ايىنان باستاپ، بۇرىن ەكپە الماعان جانە ەكپە كۋرسى اياقتالماعان 18 جاسقا دەيىنگى بالالارعا تولىقتىرا يممۋنداۋ جۇرگىزىلۋدە. بۇگىنگى كۇنى تولىقتىرا يممۋنداۋ اياسىندا 17 538 بالا ەگىلگەن، ونىڭ ىشىندە قىزىلشا، قىزامىق، ەپيدەميالىق پاروتيتكە قارسى ككپ – 3 671 بالا، ديفتەريا، كوكجوتەل، سىرەسپە، گەموفيلدى ينفەكسيا، ۆيرۋستىق گەپاتيت ۆ، پوليوميەليتكە قارسى گەكساكسيم ۆاكسيناسىمەن – 6 045 بالا، ديفتەرياعا، كوكجوتەلگە، سىرەسپەگە، گەموفيلدى ينفەكسياعا، پوليوميەليتكە قارسى پەنتاكسيم ۆاكسيناسىمەن – 3 252، پەرورالدى پوليوميەليتكە قارسى وپۆ ۆاكسيناسىمەن - 204، ديفتەرياعا، كوكجوتەل، سىرەسپەگە قارسى اداسەل ۆاكسيناسىمەن -212، ۆ ۆيرۋستى گەپاتيتىنە (ۆگۆ) قارسى – 686، ا ۆيرۋستى گەپاتيتىنە (ۆگا) – 3468 بالا.
ونىڭ ايتۋىنشا، بۇل جۇمىس قالالىق مەديسينالىق ۇيىمدارىندا امبۋلاتوريالىق-ەمحانا جەلىسىندە جالعاسۋدا.
قازىرگى ۋاقىتتا بەلگىلەنگەن جاستاعى تۇرعىنداردى جوسپارلى پروفيلاكتيكالىق ەگۋلەرمەن قامتۋدى قامتاماسىز ەتۋ ءۇشىن الماتى قالالىق دەنساۋلىق ساقتاۋ باسقارماسىنىڭ قويماسىندا ۆاكسينالار بار. اعىمداعى جىلدىڭ شىلدە-تامىز ايلارىندا ۆاكسينالاردىڭ قوسىمشا كولەمىن جەتكىزۋ كۇتىلۋدە.
سەبد مالىمەتى بويىنشا، الماتى قالاسىنىڭ اۋماعى كەنە ەنسەفاليتى بويىنشا ەندەميالىق جانە بەزگەكتىڭ جوعارى ايماعىندا ورنالاسقان.
كەنەلەردىڭ سانىن شەكتەۋ ماقساتىندا ەكى رەت جالپى اۋدانى 4733،12 گا بولاتىن ورماندى القاپتار مەن قالالىق ساياباقتاردا، الاڭداردا كەنەلەرگە قارسى دەزينسەكسيالىق وڭدەۋ جۇرگىزىلدى (100 قالالىق ساياباقتار مەن الاڭداردا -461،636 گا، 8 ورمان ساياباعىندا - 1904،924 گا) جانە جالپى اۋدانى 74،4 گا بولاتىن 6 انوفەلوگەندى سۋ قويماسىندا 6 رەت بەزگەك ماسالارىنا قارسى دەزينسەكسيالاۋ جۇمىستارى اعىمداعى جىلدىڭ ماۋسىم ايىنان تامىز ايى ارالىعىندا جۇرگىزىلەتىن بولادى.
دەزينسەكسيالىق ءىس-شارالار رەسپۋبليكالىق بيۋدجەت قاراجاتى ەسەبىنەن، اۋداندىق سانيتاريالىق-ەپيدەميولوگيالىق باقىلاۋ باسقارمالارىنىڭ ماماندارىنىڭ تىكەلەي باقىلاۋىمەن شجق مقك «الماتى قالاسى بويىنشا دەزينفەكسيالىق ورتالىق» فيليالى جۇرگىزەدى. دەزينفەكسيالىق وڭدەۋ جۇمىستارىن جۇرگىزۋ ءۇشىن «دەلتەكس SC 10» ينسەكتيسيدتى-اكاريسيدتى پرەپارات قولدانىلدى.
سپيكەر سونداي-اق، اعىمداعى جىلدىڭ ءساۋىر ايىندا ءۇندىستاننان كەلگەن تۋريستەر اراسىندا تىرىسقاق اۋرۋىنىڭ سىرتتان اكەلىنگەن 3 جاعدايى تىركەلدى (بارلىعى باسقا ەلدەردىڭ ازاماتتارى، سونىڭ ىشىندە قىرعىزستان – 1 جاعداي، رەسەي فەدەراسياسى – 2 جاعداي). بارلىق جاعدايلار تىعىز بايلانىستا بولعان 170 ادام انىقتالدى، بارلىعى ينكۋباسيالىق كەزەڭدە جۇقپالى اۋرۋلار ستاسيونارىنا وقشاۋلاندى، دەنساۋلىعىنا شاعىمدار بولعان جوق، بارلىعى تەكسەرىلدى، ناتيجەسى تەرىس. ناۋقاس پروفيلاكتيكالىق ەم قابىلداعاننان كەيىن، تالداۋ ناتيجەسى تەرىس بولىپ ۇيدەن شىعارىلدى.
«2024 جىلدىڭ 5 ايىندا كوروناۆيرۋستىق ينفەكسيانىڭ زەرتحانالىق راستالعان 282 جاعدايى تىركەلدى، ونىڭ ىشىندە 14 جاسقا دەيىنگى بالالار – 31، جاسوسپىرىمدەر – 6 جانە ەرەسەكتەر – 243. اعىمداعى جىلدىڭ 1 ماۋسىمىنان 20 ماۋسىمىنا دەيىنگى كەزەڭدە كوروناۆيرۋستىق ينفەكسياسىنىڭ زەرتحانالىق راستالعان جاعدايلارى تىركەلگەن جوق»، - دەپ تولىقتىردى اسەل قالىقوۆا.
بارلىق ينفەكسيالىق جانە پارازيتتىك اۋرۋلار وشاقتارىندا ەپيدەمياعا قارسى (پروفيلاكتيكالىق) ءىس-شارالار كەشەندى ءىس-شارالار جوسپارلارىنا جانە قولدانىستاعى سانيتارلىق ەرەجەلەرگە سايكەس دەنساۋلىق ساقتاۋ ۇيىمدارىمەن بىرلەسىپ ۋاقتىلى جۇرگىزىلدى.