الماتىدا ءىىم اكادەمياسىنىڭ كۋرسانتتارىن ىرىكتەۋ ءجۇرىپ جاتىر

ق ر ءىىم ماقان ەسبولاتوۆ اتىنداعى الماتى اكادەمياسى تالاپكەرلەر ءۇشىن ءوز ەسىگىن اشتى.

ازداعان ۇزىلىستەن كەيىن ءىىم الماتى اكادەمياسى قازاقستان پوليسيا قاتارىندا تۇرىپ، وتانىنا ادال قىزمەت ەتۋ جولىن تاڭداعان كۋرسانتتاردى دايارلاپ شىعاراتىن بولادى. 17 شىلدەدەن باستاپ تالاپكەرلەردى قابىلداۋ كامپانياسى ىسكە قوسىلدى، وندا قازاقستاننىڭ ءار وڭىرىنەن كەلگەن ەڭ لايىقتى ابيتۋريەنتتەر قاتىسۋدا،  دەپ حابارلايدى Almaty-akshamy.kz Polisia.kz-كە سىلتەمە جاساپ. 

ءىىم الماتى اكادەمياسىنا وقۋعا تۇسۋگە تاڭداۋ جاساعان ەر جىگىتتەر مەن قىزدار سىناقتار مەن نورماتيۆتەردى تاپسىرۋدى باستاپ كەتتى. تالاپكەرلەر دەنە شىنىقتىرۋ دايىندىعى مەن مەديسينالىق كورسەتكىشتەرى بويىنشا تەكسەرۋدەن ءوتىپ جاتىر. سوڭعى كەزەڭدە ۇبت باللدارى مەن سىناقتار ناتيجەلەرى نەگىزىندە ىرىكتەۋ وتكىزىلەدى.

ءىىم الماتى اكادەمياسىندا اتاپ وتكەنىندەي، بيىل ۆەدومستۆالىق جوعارى وقۋ ورىندارىنىڭ ىشىندە الماتى اكادەمياسى العاش رەت تالاپكەرلەردى قابىلداۋدى جاڭا فورماتتا وتكىزىپ وتىر. قابىلداۋ تۋىسقانداردىڭ تىكەلەي قاتىسۋىمەن جانە تاۋەلسىز ساراپشىلاردىڭ جۇمىلدىرىلۋىمەن جۇرگىزىلۋدە. سونىمەن بىرگە تالاپكەرلەرگە جوعارى دارەجەدە بارلىق جاعدايلار جاسالدى. ماسەلەن، مامانداندىرىلعان “دينامو” الاڭى سوڭعى تالاپتار بويىنشا جابدىقتالدى – جۇگىرۋ جولاقتاردىڭ ساپاسى كانديداتتاردىڭ نورماتيۆتەردى تاپسىرۋدا جاقسى كورسەتكىشتەرگە يە بولۋلارىنا وڭ اسەرىن بەرەدى.

تالاپكەرلەردى تىركەۋ كۇنى ءىىم الماتى اكادەمياسىنىڭ باستىعى ايدار سايتبەكوۆ اتا-انالارمەن كەزدەسۋ وتكىزدى. ديالوگ كونسترۋكتيۆتى ءوتتى. ۆەدومستۆا باسشىسى جينالعان قاۋىمنىڭ بارلىق سۇراقتارىنا جاۋاپ بەردى. ونىڭ ايتۋىنشا، كۋرسانتتاردى ىرىكتەۋ بويىنشا كامپانيا اشىق، وبەكتيۆتى جانە تولىعىمەن جەمقورلىق ارەكەتتەرىنە جول بەرىلمەۋىمەن قوعامنىڭ باقىلاۋىندا وتەدى.