تاۋەلسىزدىك كۇنىنە ارنالعان ءداستۇرلى ICE SCREAM XII رەسپۋبليكالىق پىكىرسايىس ءتۋرنيرى باستالدى. 15–16 جەلتوقسانىن ارالىعىندا وتەتىن ءداستۇرلى پىكىرسايىس دوداسىن تاڭداۋلى ەكونوميستتەر وداعىنىڭ جوعارى پىكىرسايىس مەكتەبى (تەو جپم) ۇيىمداستىرىپ كەلەدى.
تاڭداۋلى ەكونوميستتەر وداعى بۇگىنگى تاڭدا رەسپۋبليكامىزداعى ەڭ تانىمال پىكىرسايىس مەكتەپتەرىنىڭ ءبىرى رەتىندە جاستاردىڭ ويلاۋ قابىلەتىن، كوشباسشىلىق داعدىلارىن جانە ازاماتتىق بەلسەندىلىگىن دامىتۋدا ۇلكەن ءرول اتقارىپ كەلەدى. 2004 جىلدان بەرى جۇمىس ىستەپ كەلە جاتقان ۇيىم تالاي مىقتى پىكىرسايىسشىنى، قوعام دامۋىنا ۇلەس قوسىپ جۇرگەن جاڭا بۋىن كوشباسشىلارىن تاربيەلەدى. ۇيىمنىڭ ۇزدىك جوبالارىنىن ءبىرى وسى – ۇزاق جىلدار بويى ۇيىمداستىرىلىپ كەلە جاتقان ICE SCREAM XII ءتۋرنيرى.
ICE SCREAM ءتۋرنيرى – قازاقستانداعى ەڭ اۋقىمدى پىكىرسايىس دوداسىنىن ءبىرى. ينتەللەكتۋالدى دودا الماتى قالاسىنداعى نارحوز ۋنيۆەرسيتەتىنىڭ قولداۋىمەن ۇيىمداستىرىلادى. بۇل – ەلدەگى ەڭ بەلسەندى، بىلىمگە قۇشتار جانە شەشەندىككە بەيىم جاستار باس قوساتىن ماڭىزدى پىكىرسايىس الاڭى. پىكىرسايىس – جاس تالانتتاردىڭ ينتەللەكتۋالدى الەۋەتىن اشۋعا، وي ەركىندىگىن دامىتۋعا جانە ءبىلىمدى، بەلسەندى جاستاردىڭ جاڭا بۋىنىن قالىپتاستىرۋعا باعىتتالعان باعىت.
بۇل ءتۋرنيردىڭ ناتيجەسىندە جاڭا قاتىسۋشىلار تارتىلىپ، ۋنيۆەرسيتەت ىشىندە دەبات مادەنيەتى داميدى، اكادەميالىق ورتاعا قوسىمشا ۇلەس قوسىلادى. سونىمەن قاتار، ۋنيۆەرسيتەتتىڭ وزىندىك برەندى مەن ءيميدجىن نىعايتادى، ال قاتىسۋشىلار ءۇشىن تاجىريبە جيناۋ مەن داعدىلارىن جەتىلدىرۋ الاڭى بولىپ تابىلادى.
ۇلتتىق دەڭگەيدەگى 12 جىلدىق ءداستۇر
تۋرنير پىكىرسايىسقا ەندى قادام باسىپ، بەت بۇرعان قاتىسۋشىلاردىڭ اراسىنداعى دودا بولماق. ويىننىڭ ءوتۋ فورماتتارى كەلەسىدەي: امەريكالىق پارلامەنتتىك فورمات (اپف) جانە لينكولن-دۋگلاس (لد).
پىكىرسايىستا قامتىلاتىن نەگىزگى تاقىرىپتار:
–حالىقارالىق قاتىناستار جانە قاۋىپسىزدىك؛
–تۇرعىن ءۇي جانە الەۋمەتتىك ساياسات:
–ۇلتتىق دامۋ باعدارلارى؛
–ەكونوميكالىق مودەلدەر.
بۇل باعىتتار جاس پىكىرسايىسشىلارعا تەرەڭ تالداۋ جاساۋعا، دالەلدى وي ايتۋعا جانە كۇردەلى ماسەلەلەرگە جاڭاشا كوزقاراس قالىپتاستىرۋعا مۇمكىندىك بەرەدى.
ايتا كەتەيىك، بيىلعى دوداعا 80 كوماندا، 120-دان استام پىكىرسايىسشى، 600-گە جۋىق كورەرمەن جينالماق.
ەلىمىزدىڭ ءار وڭىرىنەن، ايتالىق، تاراز، شىمكەنت، الماتى وبلىسى، تالدىقورعان، اقتوبە، قىزىلوردا قالالارىنان كەلگەن جاس پىكىرسايىسشىلار ەكى كۇن بويى ايتىس-تارتىسى مول وي دوداسىندا ب ا ق سىنايدى.
تەو CUP XIV ءتۋرنيرىنءىڭ قوناقتارى رەتىندە SANA FOUNDATION قوعامدىق قورىنىڭ، SANA BUSINESS ACADEMY ءتوراعاسى ماقسات حالىق، ق ر پرەزيدەنتى تەلەراديوكەشەنى ديرەكتورىنىڭ كومەكشىسى، ەكونوميست، جۋرناليست جانە قوعام قايراتكەرى ەربولات مۇحامەدجان، ق ر قارجى مينيسترلىگى IMAK كامەرالدىق باقىلاۋ باسقارماسىنىڭ باسشىسى ەركەبۇلان نۇرماحانوۆ سىندى بەلگىلى تۇلعالار قاتىسادى.
پىكىرسايىس دوداسى جاستارعا جاڭا يدەيالارمەن بولىسۋگە، ۇلتتىق دەڭگەيدە تاجىريبە جيناۋعا، قوعامداعى وزەكتى ماسەلەلەردى تالقىلاۋعا، سونداي-اق، پىكىرتالاس جانە كوشباسشىلىق داعدىلارىن دامىتۋعا كوپ مۇمكىندىك بەرەدى.