الماتىدا حوككەيدەن حالىقارالىق تۋرنير وتەدى

1 جانە 4 اقپان ارالىعىندا الماتىدا Eurasia Jastar Cup حالىقارالىق حوككەي ءتۋرنيرى وتەدى.

تۋرنيرگە 18 جاسقا دەيىنگى سپورتشىلار قاتىسادى. ءبىر جىل بۇرىن تۋرنير استاناداعى «بارىس ارەنادا» وتكەن بولاتىن، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ. 

قاتىسۋشىلار قۇرامى وزگەرىسسىز قالدى، وتكەن جىلعىداي قازاقستان جاسوسپىرىمدەر قۇراماسىنان باسقا، 18 جاسقا دەيىنگى بەلارۋس كومانداسى، 16 جاسقا دەيىنگى رەسەي جانە رەسەي قىزدار قۇراماسى قاتىسادى. ماچتار اينالىمدىق جۇيەمەن وتەدى، بۇل رەتتە قىزدار ەسەپتەن تىس وينايدى. نەگىزگى حوككەي تۋرنيرىنەن باسقا، 3ح3 ءتۋرنيرى وتەدى.

Eurasia Jastar Cup كەستەسى: 

1 اقپان، 15:00 – رەسەي U16 – رەسەي قىزدار

1 اقپان، 19:00 – قازاقستان U18 – بەلارۋس U18

2 اقپان، 15:00 – بەلارۋس U18 – رەسەي U16

2 اقپان، 19:00 – قازاقستان U18 – رەسەي قىزدار

3 اقپان، 11:30 – 3ح3 ءتۋرنيرى

قازاقستان U18 – رەسەي قىزدار

رەسەي U16 – بەلارۋس U18 

3-ورىن ءۇشىن ماچ

فينال

4 اقپان، 12:00 – بەلارۋس U18 – رەسەي قىزدار

4 اقپان، 17:00 – قازاقستان U18 – رەسەي U16

حوككەيدەن قازاقستان جاسوسپىرىمدەر قۇراماسى 2024 جىلعى الەم چەمپيوناتىنا دايىندىق كەزەڭدەرىنىڭ ءبىرى بولماق. ەسكە سالايىق، ءبىر جىل بۇرىن ءبىزدىڭ كوماندا ءىا ديۆيزيونىندا ءبىرىنشى ورىندى يەلەنىپ، 21 جىلدان كەيىن جاسوسپىرىمدەر حوككەيىنىڭ ەليتاسىنا ورالدى.

جاسوسپىرىمدەر چەمپيوناتى 2024 جىلدىڭ 25 ءساۋىرى مەن 4 مامىرى ارالىعىندا فينلياندياداعى ەسپو جانە ۆانتا قالالارىندا وتەدى.