الماتىدا حالىقارالىق تاعىلىمداما قورىتىندىسى بويىنشا سەمينار ءوتتى

2024 جىلدىڭ 4 قاراشاسىندا الماتى قالاسىندا الماتى ءسان جانە قىزمەت كورسەتۋ سالاسى كوللەدجىندە «حالىقارالىق تاعىلىمداما قورىتىندىسى بويىنشا جوبالاردى ىسكە اسىرۋ» تاقىرىبىندا قالالىق سەمينار ءوتتى. بۇل ءىس-شارا الماتى قالاسىنىڭ ءبىلىم باسقارماسى ءقببجتعاو تجكبب ءبولىمىنىڭ جوسپارىنا سايكەس ۇيىمداستىرىلدى. سەميناردىڭ نەگىزگى ماقساتى – حالىقارالىق تاعىلىمداما شەڭبەرىندە «تىگىن ءوندىرىسى جانە كيىمدى ۇلگىلەۋ»، «شاشتاراز ونەرى»، «تاماقتانۋدى ۇيىمداستىرۋ» باعىتتارى بويىنشا جۇرگىزىلگەن بىلىكتىلىكتى ارتتىرۋ جوبالارىنىڭ ناتيجەلەرىن تالقىلاۋ جانە ولاردى ىسكە اسىرۋ جولدارىن كورسەتۋ.

سەمينار بارىسىندا ءۇش نەگىزگى باعىت بويىنشا جوبالار ۇسىنىلدى:

1. «تىگىن ءوندىرىسى جانە كيىمدى ۇلگىلەۋ» باعىتى بويىنشا «كورسەت بۇيىمدارىنىڭ قۇرىلىسى جانە تەحنولوگياسى» تاقىرىبىندا جوبا تانىستىرىلدى. جوبانىڭ اياسىندا «كيىم كونسترۋكتورى» ءبىلىم بەرۋ باعدارلاماسى وزەكتەندىرىلىپ، وقۋ جۇمىس باعدارلامالارى ازىرلەندى. وقۋ قۇرالى يتاليان تىلىنەن اۋدارىلىپ، كورسەت بۇيىمدارىن جوبالاۋ جانە دايىنداۋ بويىنشا ۇيىرمەلەر ۇيىمداستىرىلدى، سونىمەن قاتار الەۋمەتتىك سەرىكتەستىكتەرمەن ىنتىماقتاستىق كەڭەيتۋ ماسەلەلەرى قاراستىرىلدى.

2. «شاشتاراز ونەرى» باعىتى بويىنشا «شاشتى ۇزارتۋ تۇرلەرى» تاقىرىبىندا جوبا ۇسىنىلدى. بۇل جوبادا شاشتى ۇزارتۋ بويىنشا كاسىبي ستاندارتتارعا سايكەس ءبىلىم بەرۋ باعدارلامالارى ازىرلەنىپ، ستۋدەنتتەرگە ۇيىرمەلەر مەن شەبەرلىك ساعاتتارى ۇيىمداستىرىلدى. سونىمەن قاتار، پەداگوگتەردى وقىتۋ جانە الەۋمەتتىك سەرىكتەستىك بازاسىن كەڭەيتۋ ماسەلەلەرى قوزعالدى.

3. «تاماقتاندىرۋدى ۇيىمداستىرۋ» باعىتى بويىنشا «پايدالى تاماقتانۋ مەن مەكتەپتەگى تاماقتانۋعا قويىلاتىن زاماناۋي تالاپتار» تاقىرىبىندا جوبا تانىستىرىلدى. بۇل جوبادا مەكتەپ جانە ديەتالىق تاماقتانۋ، سونداي-اق ءتۇرلى اسسورتيمەنتتەگى شوكولاد ونىمدەرى باعىتتارى بويىنشا ءبىلىم بەرۋ باعدارلامالارى ازىرلەندى. ستۋدەنتتەردى كاسىبي كونكۋرستارعا دايىنداۋ جانە الەۋمەتتىك سەرىكتەستەرمەن ىنتىماقتاستىق ورناتۋ جۇمىستارى جۇرگىزىلۋدە.

سەميناردىڭ قورىتىندىسى بويىنشا، حالىقارالىق تاجىريبەلەردى ەنگىزۋ ارقىلى ءبىلىم بەرۋ ساپاسىن ارتتىرۋ جانە ستۋدەنتتەردى زاماناۋي كاسىپتىك ستاندارتتارعا سايكەس دايارلاۋ باعىتىندا جۇمىستاردى ودان ءارى دامىتۋ قاجەتتىلىگى اتاپ ءوتىلدى.