قالامىزدا سيرك ونەرىنىڭ فەستيۆالى وسىمەن قاتارىنان ەكىنشى جىل وتكىزىلۋدە.
وعان الىس-جاقىن 18 ەلدىڭ ۇزدىك ونەرپازدارى قاتىسۋدا. فەستيۆال قازاق مەملەكەتتىك سيركىنىڭ 54 جىلدىعىمەن دە بايلانىستىرىلعان، دەپ حابارلايدى aqshamnews.kz 24.kz ارناسىنىڭ اقپاراتىنا سۇيەنىپ.
ونەر مەرەكەسىنە قاتىسۋشىلار مەن جەڭىمپازدار الماتىدا قالىپ، ءبىر اي بويى ايگىلى قازاق مەملەكەتتىك سيركىنىڭ ارەناسىندا كورەرمەندەر الدىندا ونەر كورسەتەدى.
اتالعان فەستيۆال بىلتىر ءبىرىنشى رەت الماتىدا ۇيىمداستىرىلعان بولاتىن. حالىقارالىق شارا ۇلتتىق سيرك ونەرىنىڭ جەتىستىكتەرىن الەمگە تانىتۋعا ماڭىزدى ۇلەس قوسۋدا. قازاق مەملەكەتتىك سيركىنىڭ ديرەكتورى ماقسات جايىقوۆ اۋقىمدى فەستيۆالدىڭ ۇيىمداستىرىلۋى ەلىمىزدە مادەني ءتۋريزمنىڭ بەلسەندى دامۋىنا ىقپال ەتەتىنىن اتاپ ءوتتى.
ماقسات جايىقوۆ، قازاق مەملەكەتتىك سيركىنىڭ ديرەكتورى:
- ەڭ باستىسى، جوعارى دەڭگەدە وتەدى دەپ ەڭبەك ەتىپ جاتىرمىز. جۇمىس جاساپ جاتىرمىز. ءبىزدىڭ كوماندا، كاسىبي كوماندا. بىرىنشىدەن، كورەرمەندەرگە جاقسى سيرك قويىلىمىن سىيلاۋ، سيرك ونەرىن حالىقارالىق دارەجەدە ناسيحاتتاۋ، دارىپتەۋ. ءوز ونەرىمىزدى كورسەتۋ، الماتى قالاسىنىڭ كورىكتىلىگىن كورسەتۋ، سيركتىڭ تاريحىن كورسەتۋ. ءوزىمىزدىڭ مادەنيەتىمىزدى كوپتەگەن تۋريستەرگە ارىپتەستەرگە تانىتۋ.