26 قىركۇيەكتە الماتىدا حالىقارالىق Be WOMAN Asia 2025 فورۋمى اشىلدى. فورۋم كوشباسشى ايەلدەردى، كاسىپكەرلەردى، عىلىم، مادەنيەت، ونەر جانە يننوۆاسيا وكىلدەرىن بىرىكتىردى. ءىس-شارا ايماقتاعى ايەلدەر كوشباسشىلىعى، گەندەرلىك تەڭدىك جانە ورنىقتى دامۋ تاقىرىپتارىن تالقىلاۋدىڭ باستى الاڭىنا اينالدى.
ءوز سوزىندە ق ر مادەنيەت جانە اقپارات ءمينيسترى، پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى ايدا بالايەۆا قازاقستاندىق ايەلدەردىڭ بۇگىندە بارلىق سالادا سەنىمدى ىلگەرىلەپ كەلە جاتقانىن اتاپ ءوتتى. ايەلدەردىڭ ساۋاتتىلىق دەڭگەيى – 99،9 پايىز، ەلىمىزدەگى ءاربىر ەكىنشى ۋنيۆەرسيتەت ستۋدەنتى – قىز، ال عىلىم سالاسىندا زەرتتەۋشىلەردىڭ 55،7 پايىزى – ايەلدەر. ستۋدەنت قىزداردىڭ 30 پايىزدان استامى STEM باعىتتارىن تاڭدايدى، IT جانە سيفرلىق ەكونوميكادا 31 پايىز ايەل ەڭبەك ەتەدى، ال ەلدەگى ەڭ ءىرى تەحنوپارك – Astana Hub-تا ءار جەتىنشى ستارتاپتى ايەلدەر قۇرعان. سونداي-اق ايەلدەر مەملەكەتتىك باسقارۋ سالاسىنا دا بەلسەندى ارالاسۋدا: مەملەكەتتىك قىزمەتشىلەردىڭ قاتارىنداعى ۇلەسى 55 پايىزدان اسادى.
«قازاق ايەلدەرى زاماناۋي، ءبىلىمدى ءارى الەۋمەتتىك بەلسەندى. مەملەكەت قولداۋىنىڭ ارقاسىندا ولار بيزنەس، عىلىم، مەملەكەتتىك باسقارۋ سالاسىندا تابىستى ەڭبەك ەتىپ، سونىمەن بىرگە وتباسىلىق قۇندىلىقتاردى ساقتاپ كەلەدى»، – دەدى ايدا بالايەۆا.
الماتى قالاسى اكىمىنىڭ ورىنباسارى ازامات قالدىبەكوۆ فورۋمنىڭ وڭتۇستىك استانادا ءوتۋىنىڭ ەرەكشە مانگە يە ەكەنىن ايتتى.
«الماتى – قازاقستاننىڭ جۇرەگى، ەڭ ءىرى مەگاپوليس، عىلىم مەن مادەنيەتتىڭ ورتالىعى. ورتالىق ازياداعى ەڭ ءىرى ايەلدەر كوشباسشىلىعى فورۋمىنىڭ ءدال وسى جەردە ءوتۋى سيمۆولدىق مانگە يە. Be WOMAN Asia – ايەلدەردىڭ يدەيالارى، تاجىريبەسى مەن ەنەرگياسى توعىساتىن، جاڭا باستامالارعا سەرپىن بەرەتىن الاڭ»، – دەدى ول.
Be WOMAN Asia فورۋمى حالىقارالىق ىنتىماقتاستىق پەن تاجىريبە الماسۋدىڭ بەدەلدى الاڭى رەتىندە تانىلدى. وتكەن جىلى ول 12 ەلدەن كەلگەن 95-تەن استام سپيكەردى جانە 3 مىڭنان اسا كاسىپكەر مەن پىكىر كوشباسشىلارىن جينادى. 2025 جىلى الماتى تاعى دا ايەلدەر كوشباسشىلىعى ورتالىعى مارتەبەسىن راستادى، الەمنىڭ تۇكپىر-تۇكپىرىنەن كەلگەن قاتىسۋشىلاردى جاڭا يدەيالار مەن جوبالاردى جۇزەگە اسىرۋ ءۇشىن بىرىكتىردى.
ايتا كەتەيىك، قازاقستاندا ايەلدەردىڭ قۇقىقتارىن قورعاۋعا باعىتتالعان ءبىرقاتار پروگرەسسيۆتى زاڭدار قابىلداندى. سونىڭ ىشىندە وتباسىلىق-تۇرمىستىق زورلىق-زومبىلىق پەن قىسىم كورسەتۋگە قارسى زاڭدار. پرەزيدەنت تاپسىرماسىمەن ىىم-دە ارنايى باسقارما قۇرىلىپ، جىنىستىق قىلمىستاردى تەرگەيتىن ايەل-تەرگەۋشىلەر تاجىريبەسى ەنگىزىلدى. بۇل شارالار قوعامدا ايەلدەردىڭ قاۋىپسىزدىگى مەن قۇقىقتارىن قورعاۋعا ىقپال ەتۋدە.