الماتىلىقتاردى حالىق ساناعىنا بەلسەندى قاتىسۋعا شاقىرادى.
الماتىلىقتارعا قازاقستان رەسپۋبليكاسىنىڭ كەزەكتى ءۇشىنشى ۇلتتىق حالىق ساناعى 1 قىركۇيەكتەن باستالاتىنىن ەسكە سالدى. ول ەكى ايعا سوزىلادى جانە 30 قازاندا اياقتالادى، دەپ حابارلايدى Almaty-akshamy.kz.
ويتكەنى بۇل دەرەكتەر جەرگىلىكتى اتقارۋشى ورگاندارعا ءبىرقاتار الەۋمەتتىك ماسەلەلەردى شەشۋدە، ونىڭ ىشىندە كوشى-قون ماسەلەلەرىن شەشۋدە ماڭىزدى كومەك بولادى..
الىنعان مالىمەتتەر جاڭا مەكتەپتەر، بالاباقشالار، ەمحانالار مەن باسقا دا الەۋمەتتىك نىسانداردىڭ قۇرىلىسىن قارجىلاندىرۋ تۋرالى شەشىم قابىلداعان كەزدە ەسكەرىلەتىن بولادى.
ساناق كەزەڭىندە الماتىلىقتار ۇلتتىق ساناقتىڭ ساۋالناما سۇراقتارىنا ىڭعايلى ونلاين فورماتتا نەمەسە ءۇي جايلاردى ارالاۋ كەزىندە ءداستۇرلى فورماتىندا جاۋاپ بەرە الادى.
ونلاين فورمات قالا تۇرعىندارى ءۇشىن www.sanaq.gov.kzمامانداندىرىلعان ۆەب-سايتىندا قولجەتىمدى (ساناق ۆەب-سايتىنا egov.kz سايتىنان جانە مەملەكەتتىك ورگانداردىڭ سايتتارىنان، Aitu قوسىمشاسى ارقىلى كىرۋگە بولادى)، وندا Sanaqman ۆيرتۋالدى كومەكشى رەسپوندەنتتەرگە ونلايندا وزىڭىزگە جانە ءسىزدىڭ وتباسى مۇشەلەرىڭىزگە ساۋالنامانى تولتىرۋ بويىنشا تۇسىنىكتەمە بەرە الادى.
دەربەس ساناۋ سايتى رەسپوندەنتتىڭ ورنالاسقان جەرىنە قاراماستان 2021 جىلدىڭ 1 قىركۇيەگىنەن 15 قازانىنا دەيىن تۇرعىندارعا 24 ساعات بويى قولجەتىمدى بولادى. تۇرعىنداردىڭ ۇيلەرىن ارالاپ ۇزدىكسىز ساۋال سالۋ ءداستۇرلى فورماتى اعىمداعى جىلدىڭ 1 قازانىنان 30 قازانىنا دەيىن ەلەكتروندى پلانشەتتەر ارقىلى سۇحبات الۋشىلارمەن ساۋال الۋ ارقىلى وتەدى.
ونلاين ساناقتان ءوتۋ مۇمكىندىگى 45 كۇنمەن شەكتەلگەندىكتەن، قالا اكىمى باقىتجان ساعىنتايەۆ قالانىڭ ءار اۋدانىنىڭ ءىرى ساۋدا جانە ويىن -ساۋىق ورتالىقتارىندا، ساۋدا ۇيلەرىندە، حقكو-دا، پوشتا بولىمشەلەرىندە، مەكتەپتەردە جانە ت.ب. جەرلەردە مۇمكىندىگى جوق تۇرعىندار ءۇشىن مامانداندىرىلعان ساناق ورتالىقتارىن اشۋعا تاپسىرما بەردى.
ساناق پۋنكتتەرى ونلاين ساۋالدان وتۋگە ىڭعايلى بولۋ ءۇشىن ارنايى ۇيىمداستىرىلعان، مۇندا ساۋالنامانى تولتىرۋ پروسەسىن جەڭىلدەتۋمەن قاتار، رەسپوندەنتتەر ءوز دەنساۋلىعىنىڭ قاۋىپسىزدىگى ءۇشىن دە الاڭدامايدى، ويتكەنى سۇحبات الۋشىلار ۆاكسيناسيالانادى جانە قورعانىس قۇرالدارىمەن قامتاماسىز ەتىلەدى.
ساناقتان وتكەننەن كەيىن رەسپوندەنتكە كودى بار سمس حابارلاما كەلەدى، ول مىندەتتى تۇردە ساقتالۋى قاجەت جانە قازان ايىندا ءداستۇرلى ۇيلەر مەن پاتەرلەردە سىزگە كەلەتىن ساناقتىڭ سۇحباتالۋشىلارىنا ۇسىنىلادى.
ونلاين ساناق كەزەڭىندە ۇيالى نومىرلەردەن 8-8000800878 جانە تىركەلگەن تەلەفوندار ءۇشىن 1446 ءبىرىڭعاي بايلانىس ورتالىعىندا بارلىق ساناق ماسەلەلەرى بويىنشا تەگىن كەڭەس بەرۋ قاراستىرىلعان.
جاس مەملەكەت 30 جىلىنىڭ ىشىندە، ەلدە 1999 جانە 2009 جىلدارى ەكى ۇلتتىق ساناق جۇرگىزىلگەنى ايتىلادى. ەگەر 1999 جىلدىڭ قورىتىندىسى بويىنشا حالىق سانى 14 953 100 ادامدى قۇراسا، وندا ساناقارالىق كەزەڭدە رەسپۋبليكا حالقىنىڭ سانى 1 028 300 ادامعا ءوستى، ال 2009 جىلى 16 009 600 ادامدى قۇرادى. بيىل قازاقستاننىڭ 19 ميلليونىنشى تۇرعىنى تىركەلدى، ايتپاقشى، ول الماتى وبلىسىندا دۇنيەگە كەلگەن.
ايتا كەتۋ قاجەت، حالىقتىڭ بەلسەندى ءوسۋى الماتىدا. قالا جىل سايىن ءوزىنىڭ حالقىن ميلليوننان ەكى ميلليونعا دەيىن ۇلعايتىپ، ەلدەگى ەڭ ءىرى مەگاپوليس مارتەبەسىن راستاپ وتىر.
ەستەرىڭىزگە سالا كەتەيىك، بۇعان دەيىن ەل مەن مەگاپوليس ءۇشىن ماڭىزدى وقيعانىڭ قۇرمەتىنە الماتى قالاسىنىڭ اكىمى باقىتجان ساعىنتايەۆتىڭ قاتىسۋىمەن حالىقتى ۇلتتىق ساناققا دايىندىق ماسەلەسى بويىنشا كەڭەس وتكەنىن ەسكە سالامىز.