عالىمداردىڭ جالاقىسى ەكى ەسەگە ارتتى
الماتىداعى «عىلىم ورداسىندا» مەملەكەت باسشىسىنىڭ عىلىمدى دامىتۋ سالاسىنداعى تاپسىرمالارىن تالقىلاۋعا ارنالعان ق ر عىلىم جانە جوعارى ءبىلىم مينيسترلىگىنىڭ كەڭەسى ءوتتى، دەپ حابارلايدى Almaty-akshamy.kz.
وعان ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين، ق ر عىلىم جانە جوعارى ءبىلىم ءمينيسترى ساياسات نۇربەك، اكادەميكتەر مەن عالىمدار، سونداي-اق عىلىمي قوعام وكىلدەرى قاتىستى.
ساياسات نۇربەك باسقوسۋدا مەملەكەت باسشىسىنىڭ تاپسىرماسىن ىسكە اسىرۋ بارىسىن باياندادى.
«عالىمداردىڭ جالاقىسى ەكى ەسەگە ارتتى (252 مىڭ تەڭگەگە دەيىن). پرەزيدەنتتىڭ تاپسىرماسى بويىنشا ىرگەلى زەرتتەۋلەرمەن اينالىساتىن عزي-عا تىكەلەي قارجىلاندىرۋ ەنگىزىلدى. مينيسترلىك 2023-2025 جىلدارعا ارنالعان گرانتتىق قارجىلاندىرۋعا ءۇش بايقاۋ جاريالادى. بۇدان بىلاي گرانتتىق جانە ماقساتتى قارجىلاندىرۋ كونكۋرستارى بۇرىنعىداي ءۇش جىلدا ءبىر رەت ەمەس، جىل سايىن وتكىزىلەتىن بولادى»، - دەدى مينيستر.