الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا گۇلميرا ساتىبالدىنىڭ باستى سوت وتىرىسى ءوتىپ جاتىر. گۇلميرا ساتىبالدىدان بولەك، ونىڭ جۇرگىزۋشىسى ءمادي باتىرشايەۆ تا ايىپتالۋشىلار قاتارىندا، دەپ حابارلايدى almaty-akshamy.kz
تىڭداۋلار وفلاين رەجيمدە وتۋدە. ايتا كەتەيىك، الدىن الا تىڭدالىم كەزىندە ايىپتالۋشى گۇلميرا ساتىبالدى القابيلەر سوتىنا قاتىسپايتىنىن جەتكىزگەن بولاتىن.
وتكەن جىلى گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 8 جىلعا باس بوستاندىعىنان ايىرىلىپ، 10 جىل بويى كوممەرسيالىق ۇيىمداردا باسشىلىق لاۋازىمداردى اتقارۋعا تىيىم سالىنعان ەدى.
ساتىبالدى كاسىپورىنداردىڭ قاتىسۋ ۇلەسىن زاڭسىز يەمدەنۋ، سونىڭ ىشىندە ادام ۇرلاۋمەن ۇشتاسقان ەكى فاكتى بويىنشا تەرگەۋگە الىنعان بولاتىن. جابىرلەنۋشىگە كەلگەن زالال سوماسى 6،6 ميلليارد تەڭگەدەن اسادى.
سونىمەن قاتار، سوتقا دەيىنگى تەرگەۋ كەزىندە گۇلميرا ساتىبالدى شەكارا اسىپ كەتۋگە تىرىسقان.
الايدا، ول بارلىق ايىپتاۋلارمەن كەلىسپەيتىنىن جانە ءادىل شەشىم قابىلداۋعا ءوتىنىش جاساعانىن مالىمدەدى.
ەسكە سالا كەتەيىك، قايرات ساتىبالدى 2022 جىلدىڭ 26 قىركۇيەگىندە قىلمىستىق ءىسى بويىنشا التى جىلعا سوتتالعان بولاتىن. 2024 جىلدىڭ باسىندا سىبايلاس جەمقورلىققا قارسى اگەنتتىك وعان قاتىستى تاعى ءبىر ءىستىڭ تەرگەلىپ جاتقانىن حابارلادى.