21 قاراشادا «گراجدانە كرىشي» ءفيلمى قازاقستان كينوتەاترلارىندا كورسەتىلە باستايدى.
تۋىندىنى ق ر مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرگەن. فيلم قازاق جانە ورىس تىلدەرىندە كورسەتىلەدى، دەپ حابارلايدى aqshamnews.kz.
مادەنيەت جانە اقپارات مينيسترلىگىنىڭ مالىمەتىنشە، «گراجدانە كرىشي» – گۇلشات سماعۇلوۆانىڭ رەجيسسەرلىك دەبيۋتى. 15 جىلدان استام پروديۋسەرلىك تاجىريبەسى بار اۆتور بۇل فيلمدە ەرەكشە دوستىق وقيعاسىن باياندايدى.
تۋىندىنىڭ باس كەيىپكەرلەرى – قيىن تاعدىردى باستان وتكەرگەن دامير مەن اۋتيزم دياگنوزى بار ءجاسوسپىرىم كوستيا. بۇل – قوعامعا بەيىمدەلۋ، ينكليۋزيا، مەيىرىمدىلىك پەن تۇسىنىستىكتىڭ قۇندىلىعى تۋرالى اسەرلى حيكايا.
سەناريي اۆتورى – جاننا تيموفەيەۆا (دەبيۋت)، ال قويۋشى-سۋرەتشى – ەلەنا ايتوۆا (دەبيۋت). قويۋشى وپەراتور – الەكساندر پلوتنيكوۆ. فيلم ءتۇسىرىلىمى 2024 جىلدىڭ كوكتەمىندە الماتى مەن الماتى وبلىسىنىڭ تالعار اۋدانىندا ءوتتى.