چەمپيونات ءبىر اپتا بويى جالعاستى
دوداعا 5 مەملەكەتتەن بارلىعى 100-گە جۋىق سپورتشى قاتىسىپ، ب ا ق سىناستى. جارىستا قازاقستان قۇراماسى جوعارى ونەر كورسەتىپ، كوماندالىق ەسەپتە 3-ورىنعا تابان تىرەدى، دەپ حابارلايدى Almaty-akshamy.kz Almaty.tv-عا سىلتەمە جاساپ.
الايدا سپورتشىلارىمىز ازيا چەمپيوناتىنىڭ قولا جۇلدەگەرى اتانسا دا، شىلدە ايىندا سلوۆەنيادا وتەتىن الەم بىرىنشىلىگىنە باراتىن جولدامادان قاعىلدى. سەبەبى اتالمىش چەمپيوناتقا 1ء-شى جانە 2ء-شى ورىن العاندار عانا بارادى. بۇل مۇمكىندىككە يران مەن ءۇندىستان قىزدارى قول جەتكىزدى. دەسە دە، وتانداستارىمىز جارىستا وزگەلەرمەن تەڭ دارەجەدە ونەر كورسەتىپ، لايىقتى قارسىلاس اتاندى.
«قازاقستاندا گاندبول سپورتى ەرلەر مەن قىزدار اراسىندا جاقسى ءوسىپ، دامىپ كەلە جاتىر. ءقازىر ەلىمىزدە ەرلەر اراسىندا 24 توپ، ايەلدەر اراسىندا 23 توپ بار»، - دەدى ق ر گاندبول فەدەراسياسىنىڭ پرەزيدەنتى گۇلنار تۇرلىحانوۆا.
ايتا كەتەيىك، بۇل چەمپيوناتقا ازيا ءفاۆوريتى سانالاتىن جاپونيا، وڭتۇستىك كورەيا جانە جۇڭگو سپورتشىلارى ءوز ەلدەرىندەگى كوروناۆيرۋستىق جاعدايعا بايلانىستى قاتىسا المادى.