الماتىدا بالالار مەن جاسوسپىرىمدەر كوماندالارى اراسىندا فۋتبولدان حالىقارالىق تۋرنير اياقتالدى. جارىسقا 35 كوماندا قاتىستى
ۇيىمداستىرۋشىلار جارىستى اۋعان سوعىسىنىڭ ارداگەرى، ارنايى ماقساتتاعى 177ء-شى جاساقتىڭ ءبىرىنشى كومانديرى پولكوۆنيك بوريس كەرىمبايەۆتى ەسكە الۋعا ارنادى، دەپ حابارلايدى Almaty-akshamy.kz Azattyq Ruhy-ا سىلتەمە جاساپ.
بۇل تۋرنير وسىمەن بەسىنشى رەت وتكىزىلىپ وتىر. بيىل ول حالىقارالىق مارتەبەگە يە بولدى. جارىسقا قازاقستان، قىرعىزستان جانە وزبەكستاننان 500ء-دىڭ ۇستىندە جاس فۋتبولشى قاتىستى.
«الاش» ستاديونىندا ءتورت جاس ساناتىنداعى 35 كوماندا كەزدەستى.
جارىس قورىتىندىسىنا كەلسەك، 2015-2016 جىلعى توپتار اراسىندا استانا قالاسىنان كەلگەن «ۋراگان» كومانداسى، 2013-2014 جىلعىلار ىشىندە قىزىلوردالىق «كGEK» كومانداسى جەڭىسكە جەتتى. 2011-2012 جانە 2007-2008 جىلى تۋعان جاس ساناتتارىندا «JEYRAN» جانە «JAS QYRAN» كوماندالارى چەمپيون اتاندى.
اۋعان ارداگەرلەرى ءتۋرنيردىڭ چەمپيوندارى مەن جۇلدەگەرلەرىنە قىزىقتى ويىن كورسەتىپ، جەڭىسكە دەگەن ەرىك-جىگەرى جانە ۇمتىلىسى ءۇشىن مەدالدار، گراموتالار جانە باعالى سىيلىقتار تابىس ەتتى.