وليمپيادا 1-5 سىنىپ وقۋشىلارىنا ارنالعان.
بيىل وعان ەستۋ قابىلەتى ناشار بالالار دا قاتىسۋعا مۇمكىندىك الدى. بايقاۋ شارتتارىن ارنايى ماماندار تۇسىندىرەدى. وعان قاتىسۋعا الەمنىڭ 16 ەلىنەن 3 مىڭنان بالا نيەت بىلدىرگەن، دەپ حابارلايدى Almaty-akshamy.kz.
سونىڭ 400-گە جۋىعى ىرىكتەۋ كەزەڭىنەن وتكەن.
24.kz اقپاراتىنشا، الماتىعا تاجىكستان گرۋزيا، گەرمانيا ەلدەرىنەن شاكىرتتەر ارنايى كەلدى. ال وننان اسا مەملەكەتتىڭ قاتىسۋشىلارى بايقاۋعا قاشىقتان قاتىسىپ جاتىر. وسىعان وراي ەسەپ شارتتارى بىرنەشە تىلگە اۋدارىلدى. بايقاۋ 3 كۇن جالعاسادى. جەڭىمپازدارعا ارنايى ديپلوممەن قوسا باعالى سىيلىقتار تابىستالادى.
«ءبىز گەرمانيادان 3 بالا الىپ كەلدىك. ولاردىڭ بىرەۋىنىڭ ەستۋ قابىلەتى ناشار. وعان سۋردواۋدارماشى كومەكتەسەدى. ياعني ەسەپ شارتتارىن بالاعا ءوزىنىڭ تىلىندە ءتۇسىندىرىپ بەرەدى. بۇل بايقاۋ وسى بالاقايلاردىڭ ماتەماتيكاعا دەگەن قىزىعۋشىلىعىن ارتتىرا تۇسەدى دەپ ويلايمىن. سونشا جەردەن كەلىپ، قاتىسىپ جاتقانىما قۋانىشتىمىز. بالالار سىزدەردىڭ ەلمەن تانىسىپ قايتادى»، - دەيدى گەرمانيالىق سۆەتلانا نوردگەيمەر.