2023 جىلعى نەگىزگى ۇبت-نىڭ ەكىنشى اپتاسى اياقتالدى. ۇلتتىق تەستىلەۋ ورتالىعى ارالىق قورىتىندى مالىمەتتەردى جاريالادى، دەپ حابارلايدى Almaty-akshamy.kz.
دەرەككە ساي، نەگىزگى ۇبت باستالعاننان بەرى 86 مىڭنان استام ادام تەست تاپسىردى، دەپ جازدى قازاقپارات.
ونىڭ ىشىندە:
- 74%-ى قازاق تىلىندە، 26%-ى ورىس تىلىندە، 84 ادام اعىلشىن تىلىندە تەستىلەۋدەن ءوتتى؛- شەكتى بالدى 78%-عا جۋىق تالاپكەر جينادى؛- ورتاشا بالل – 70 بالل؛- ەرەكشە ءبىلىم بەرۋ قاجەتتىلىگى بار 230 بالا قاتىستى؛- ەڭ جوعارى بالل – 137.تىيىم سالىنعان زاتتاردى الىپ ءوتۋ ارەكەتى سالدارىنان تەستىلەۋدەن ءوتۋ مۇمكىندىگىنەن 92 تالاپكەر ايىرىلدى.تەستىلەۋ كەزىندە ەرەجەلەردى بۇزعانى ءۇشىن اۋديتوريادان 74 ادام شىعارىلىپ، ولاردىڭ ناتيجەلەرى جويىلدى. بوگدە تۇلعالار انىقتالعان جوق.ايتا كەتەيىك، 2023 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى.
ەستەرىڭىزگە سالا كەتەيىك، تالاپكەرلەر ۇبت اياقتالعاننان كەيىن 30 مينۋت ىشىندە اپەللياسياعا ءوتىنىش بەرە الادى. سەرتيفيكات اپەللياسيانىڭ شەشىمىنەن كەيىن تەستىلەنۋشىنىڭ جەكە كابينەتىندە قولجەتىمدى بولادى.