2-3 اقپاندا الماتىدا ەۋرازيالىق ۇكىمەتارالىق كەڭەستىڭ كەزەكتى وتىرىسى وتەدى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
وعان قازاقستان، ارمەنيا، بەلارۋس، قىرعىزستان جانە رەسەي ۇكىمەت باسشىلارى، سونداي-اق وزبەكستان پرەمەر-مينيسترى ەاەو جانىنداعى بايقاۋشى مەملەكەت وكىلى رەتىندە قاتىسادى.
ءىس-شارانىڭ كۇن ءتارتىبى ساۋدا-ەكونوميكالىق ىنتىماقتاستىق، تەحنيكالىق رەتتەۋ، تەمىرجول جانە مۋلتيمودالدىق جۇك تاسىمالى، ەنەرگەتيكا جانە ت.ب. ماسەلەلەردى قامتيدى.