ماقسات – ۇلتارالىق دوستىقتى نىعايتۋ.
الماتىدا ەتنومادەني بىرلەستىكتەر اراسىندا سپورتتىق جارىس ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
قازاقستان حالقىنىڭ بىرلىگى كۇنىنە وراي ۇيىمداستىرىلعان شاراعا قىرعىز، وزبەك، ۇيعىر، دۇنگەن حالقىنىڭ وكىلدەرى كەلگەن. ماقسات – ۇلتارالىق دوستىقتى نىعايتۋ. جارىسقا قاتىسۋشىلار - 18 بەن 60 جاس ارالىعىنداعى ازاماتتار. ۇيىمداستىرۋشىلاردىڭ ايتۋىنشا، شاحمات، ۆولەيبول، ۇستەل تەننيسى سىندى سپورت ءتۇرىن دە قامتۋ جوسپارلانعان.
«ماقسات – باسەكەلەستىك ەمەس، چەمپيوندى انىقتاۋ ەمەس، ءبىر-بىرىمىزدىڭ دوستىعىمىزدى ارتتىرۋ. ەندى بۇل ءۇردىس جىل سايىن جالعاسادى دەپ جوسپارلاپ وتىرمىز. بۇل باستاماسى. الدىمىزدا كەلە جاتقان بالالاردى قورعاۋ كۇنىنە وراي، ءتۇرلى ۇلت وكىلدەرىنىڭ بالالارى اراسىندا جارىس ۇيىمداستىرۋ جوسپارىمىزدا بار»، – دەدى جەتىسۋ اۋدانى اكىمىنىڭ ورىنباسارى داۋلەت شايتۇرسىن.