2025 جىلى الماتى قالاسى بويىنشا كوحلەارلى يمپلانت ورناتۋ وپەراسيالارىنا 2،3 ملرد تەڭگە قاراستىرىلعان.
بيىلعى جىلدىڭ باستاپقى 5 ايىندا قۇلاق مۇكىسىمەن تۋعان بالالارعا ءمامس شەڭبەرىندە وسىنداي 36 قىمبات وتا جاسالدى. وعان قور 283 ملن تەڭگەدەن استام قارجى تولەدى.
مەديسينالىق ساقتاندىرۋ قورى الماتى قالالىق فيليالىنىڭ باسپا ءسوز قىزمەتى حابارلاعانداي، 2024 جىلى كومەكتىڭ بۇل ءتۇرى 277 بالاعا كورسەتىلىپ، وعان جالپى 2،1 ملرد تەڭگە تولەنگەن. ءاربىر وتانىڭ قۇنى ورتا ەسەپپەن العاندا 8 ملن تەڭگەگە جەتىپ جىعىلادى.
"كوحلەارلى يمپلانتتاۋ — ەكى قۇلاعى بىردەي ەستىمەيتىن بالالاردىڭ ەستۋ قابىلەتىن قالپىنا كەلتىرۋگە باعىتتالعان جوعارى تەحنولوگيالىق وتا. مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىنىڭ ارقاسىندا مۇنداي قىمبات ءارى كۇردەلى وپەراسيالار الماتىدا تەگىن جاسالىپ جاتىر"، - دەلىنگەن حابارلامادا.
وپەراسيانى كىمدەر جاساتا الادى؟
بۇل پروسەدۋرا IV دارەجەلى ەكى جاقتى كەرەڭدىككە شالدىققان، ەستۋ اپپاراتتارىنىڭ كومەگى تيمەيتىن بالالارعا جاسالادى. دياگنوز قانشالىقتى ەرتە انىقتالىپ، وتا مەيلىنشە ەرتە جاسالسا بالانىڭ تولىققاندى سويلەپ، الەۋمەتتىك ورتامەن ارالاسىپ كەتۋ مۇمكىندىگى دە سونشالىقتى جوعارىلايدى، دەيدى ماماندار.
انار مەن ءايليننىڭ وقيعاسى
انار ەسىمدى كەلىنشەك پەن ونىڭ قىزى ءايليننىڭ باسىنان كەشكەن وقيعا زاماناۋي مەديسينانىڭ ادام ءومىرىن قانشالىقتى وزگەرتە الاتىنىنىڭ ايقىن دالەلى. ايلينگە دارىگەرلەر كەرەڭدىكتىڭ اۋىر ءتۇرى دەگەن دياگنوز قويىپ، كوحلەارلى يمپلانت ورناتۋدى ۇسىنعان. وتا جاساتىپ، مەديسينالىق قىزمەتتىڭ بارلىق دەڭگەيلەرىنەن ءوتۋ ءۇشىن وتباسى قاراعاندىدان الماتىعا قونىس اۋدارىپتى. وڭتۇستىك استاناداعى №5 قالالىق كلينيكالىق اۋرۋحانا دارىگەرلەرىنىڭ كومەگىنە جۇگىنىپ، پورتال ارقىلى سالالىق كلينيكاعا جاتىپتى.
«مەن اۋەلدە وسىنداي قىمبات وتانى تەگىن جاساتۋعا بولادى دەگەنگە سەنگەن جوقپىن. ءقازىر قىزىمنىڭ قۇلاعى ەستيدى، سويلەسەڭ قارايدى، سويلەۋدى دە اقىرىنداپ ۇيرەنىپ جاتىر. بۇل ءبىزدىڭ وتباسىمىز ءۇشىن ۇلكەن باقىت»، — دەيدى انار.
وتا قايدا جاسالادى؟
الماتى قالاسىندا كوحلەارلى يمپلانتتى ەكى كلينيكا ورناتادى:
1. №5 قالالىق كلينيكالىق اۋرۋحانا
2. «س.د.اسفەندياروۆ ات. قازاقۇمۋ» كەاق «اقساي» بالالار ورتالىعى
كلينيكالاردىڭ ەكەۋى دە ءتيىستى قوندىرعىلارمەن جابدىقتالعان، كارديوحيرۋرگتەردەن باستاپ، لوگوپەد، اۋديولوگ سىندى ماماندارمەن قامتاماسىز ەتىلگەن.
وپەراسيا جاساتۋ ءۇشىن نە ىستەۋ كەرەك؟
1. ەمحاناداعى ۋچاسكەلىك دارىگەرگە نەمەسە لور ماماننىڭ كەڭەسىنە جازىلۋ قاجەت؛
2. اۋديومەتريا، كت، مرت سىندى زەرتتەۋلەردەن ءوتىپ، سۋردولوگ ماماننىڭ قورىتىندىسىن الۋ كەرەك؛
3. قۇجاتتاردى تولىق جيناپ بولعان سوڭ ەمحانا ماماندارى ناۋقاستى «اۋرۋحاناعا جاتقىزۋ بيۋروسى» پورتالىنا تىركەيدى؛
4. اۋرۋحانا راستاعاننان كەيىن پاسيەنت ءوزى تاڭداعان كلينيكاعا جىبەرىلەدى.
دياگنوستيكادان باستاپ مەديسينالىق وڭالتۋعا دەيىنگى ارالىقتاعى قىزمەتتىڭ بارلىق تۇرلەرى ءمامس قاراجاتى ەسەبىنەن تولەنەدى.
«بۇرىن مۇگەدەك دەگەن اتقا تاڭىلىپ، ورتادان قالىپ قوياتىن بالالاردىڭ دامىپ، ەستىپ، سويلەپ، بالا-باقشا مەن مەكتەپكە بارىپ جۇرگەنىن كورىپ ءجۇرمىز. باستىسى – اتا-انالار ۋاقىتتى تەككە وتكىزىپ الماي، دەر كەزىندە جولداما السا بولعانى. وپەراسيادان كەيىن بالا ۇزاق مەرزىمدىك رەابيليتاسيادان وتەدى. ول كلينيكالار دا وسى الماتى قالاسىندا ورنالاسقان»، - دەيدى الماتى قالاسىنىڭ شتاتتان تىس باس سۋردولوگى نايليا تولەپبەكوۆا.