وسى باستاما اياسىندا الماتى قالاسىنىڭ پروكۋراتۋراسى TELE2/ALTEL بايلانىس وپەراتورىمەن بىرلەسىپ "SIM KIDS" پيلوتتىق جوباسىن ىسكە قوستى، دەپ حابارلايدى aqshamnews.kz
بۇعان دەيىن باس پروكۋروردىڭ تاپسىرماسى بويىنشا 2023-2025 جىلدارعا ارنالعان بالالاردى زورلىق-زومبىلىقتان قورعاۋ، ءسۋيسيدتىڭ الدىن الۋ جانە ولاردىڭ قۇقىقتارى مەن ءال-اۋقاتىن قامتاماسىز ەتۋ جونىندەگى كەشەندى جوسپارعا كامەلەتكە تولماعانداردى ينتەرنەتتەگى دەسترۋكتيۆتى كونتەنتتىڭ زياندى اسەرىنەن قورعاۋعا باعىتتالعان ۇسىنىستار ازىرلەنگەنى حابارلانعان بولاتىن.
بۇل ينتەرنەتكە ءقاۋىپسىز جانە باقىلاناتىن قول جەتكىزۋدى قامتاماسىز ەتەتىن ارنايى بالالار SIM-كارتاسى.
كارتا اۆتوماتتى تۇردە زياندى كونتەنتتى بۇعاتتايدى، اتا-انالارعا بالانىڭ قوسىمشالارداعى بەلسەندىلىگىن باقىلاۋعا مۇمكىندىك بەرەدى جانە دىبىسسىز رەجيمدە بولسا دا، بالامەن بايلانىستا بولۋدى قامتاماسىز ەتەدى.
جوبا پيلوتتىق سىناق كەزەڭىنەن ءساتتى ءوتىپ، قازىرگى ۋاقىتتا بارلىق نيەت بىلدىرۋشىلەر ءۇشىن قولجەتىمدى.
ەسىڭىزدە بولسىن بالالاردىڭ قاۋىپسىزدىگى قاراپايىم شەشىمدەر مەن ەرەسەكتەردىڭ بەيجاي قاراماۋىنان باستالادى.