پوليسيا قىزمەتكەرلەرى تۇركىستان وبلىسىنىڭ 24 جاستاعى تۇرعىنىنان سينتەتيكالىق ەسىرتكى سالىنعان بۋمالاردى تاركىلەدى.
ەسىرتكىنى زاڭسىز ساقتاپ، ونى وتكىزبەك بولعان جاس قىز ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قالانىڭ المالى اۋدانىنىڭ اۋماعىن پاترۋلدەۋ كەزىندە بۋران-060 پاترۋلدىك ەكيپاجى سومكە ۇستاعان جاس قىزدى بايقادى، ول پوليسيا كولىگىن كورىپ، قاتتى قوبالجىپ، جاسىرىنباق بولدى. سومكەنىڭ ىشىندەگىسىن تەكسەرۋ كەزىندە 18 دانا كولەمىندەگى قارا كولبا مەن سارى ءتۇستى 5 بۋما تابىلدى. ۇستالعان ادام 24 جاستاعى س.ەسىمدى ازاماتشا، ەسىرتكىنى زاڭسىز ساقتاعانىن جانە وتكىزگەنىن بىردەن مويىندادى. ماسەلە مەفەدرون تۋرالى بولىپ وتىر. سوت-حيميالىق ساراپتاما تاعايىندالدى»، – دەدى الماتى قالالىق پد جپقب پاترۋلدىك پوليسيا پولكىنىڭ كومانديرى باۋىرجان حانتەمىروۆ.
قىلمىستىق ءىس المالى اۋدانىنىڭ پوليسيا باسقارماسىندا ق ر قك-نىڭ 296-بابى 2-بولىگى بويىنشا تىركەلدى. پوليسيا الماتىعا ەسىرتكى جەتكىزۋ ارناسىن جانە ونىڭ تارالۋ گەوگرافياسىن انىقتاۋدا.